Gon kwaan kwi wen xaa
3
&Gorna lee tub xaa zaa gon cheen xaa kwaan teed xaa ma kwaan nak kwaan kwi wen xaa, nkin gak ma tub la bak ma naro, ma mach o ma gol, tub ma wen, kwaan teed xaa lo na, Xaa Tubka Nak. 2 Nu zhiib xaa yaa xaa yek ma, nu choog xaa yenn ma roo li na, zeera lee re xgann Aarón, xaa nak ngwleyy, chuun ren dub welt cho mdo.3 Zeera teed xaa ma kwaan nak gon kwaan kwi wen xaa kwaan na, nu zeek xaa tub leeya lo na, Xaa Tubka Nak, ze kwaan nkee cho xtrip ma, nu ze kwaan nkee cho lextoo ma. 4 Kiib rop xrinyon ma nu ze kwaan nke choya nu re ze kwaan nke cho lextoo yix ma. 5 zee lee re xgann Aarón zeeka tich ma kwaan yek lo mdo tich yag kwaan yek. Lee gon ne nak kwaan chul doo nzebech lo na, Xaa Tubka Nak.
6 &Nu cheleeya gon kwaan teed xaa nak tub mbakxiil o tub chib zee kwi wen xaa kwaan na, Xaa Tubka Nak, nkin gak ma tub ma mach o tub ma gol, ma wen. 7 Chelee xaa zaa tub mbakxiil yeen mod gon we xaa ma lo na, Xaa Tubka Nak, 8 zhiib xaa yaa xaa yek ma nu choog gu yenn ma roo li na. Zeera lee re xgann Aarón chuun ren dub welt cho mdo. 9 Gon kwaan teed xaa lo na zee kwi wen xaa kwaan na, zaa xaa tub gon kwaan yek lo na, Xaa Tubka Nak, ze nu dubse xwann ma kwaan nzhaal zhit tich ma, nu rese ze kwaan nzho leen lextoo ma. 10 Kiib rop xrinyon ma tubka kwaan re ze kwaan nke choya, nu kwaan nke cho lextoo yix ma. 11 Nu zee lee ngwleyy zeeka lo mdo. Kwaane nak kwenta kwaan nzhaw na, Xaa Tubka Nak.
12 &Chelee xaa zaa tub chib mod gon we xaa ma lo na, Xaa Tubka Nak, 13 zhiib xaa yaa xaa yek ma, nu choog xaa yenn ma roo li na. Zeera lee re xgann Aarón chuun ren dub welt cho mdo. 14 Zeera zaa xaaya mod gon kwaan yek lo na, Xaa Tubka Nak, ze kwaan nke cho xtrip ma, nu rese ze kwaan nzho lo zhit tich ma, nu ze kwaan nzho lextoo ma. 15 Kiib rop xrinyon ma tubka kwaan re ze kwaan nke choya, nu kwaan nke cho lextoo yix ma. 16 Nu lee ngwleyy zeeka lo mdo. Kwaane nak kwenta kwaan nzhaw na, kwaane nak tub bech kwaan chul doo nzebech lo na, Xaa Tubka Nak, rese ze nak cheen na.
17 &Kwaane nak tub ley kwaan tira za na lo re dii cheen xaa, nexa pa naz yo xaa: nagawt xaa ze nu nixa ren.