Ley cheen re kwaan mlux
22
&Chelee tub xaa lewann tub la ngoon o tub mbakxiil, nu gut xaa ma o to xaa ma, zee nkin kix xaa tub gaay la ngoon kwent cheen tub la ma nu tap mbakxiil kwent cheen tub mbakxiil.2 &Chelee tub xaa yiga kalewann leen yoo, nu seweey xaa xaa nu yet xaa, lee xaa mleya, nakwibta tich. 3 Nu cheleeya zheya zee kwiba tich xaa mleya.
&Xaa mlewann nzhaal kix paro kwaan mlewann xaa, nu chelee xaa nankanot xaa demi zee leeka lee xaa doo, zee yex re kwaan mbe xaa. 4 Chelee ma mlewann xaa, nguzhal mbanaka ma, zee nkin kix xaa paro nii chop ma, nexa chol ngoona, chol ngwesa o chol mbakxiila.
5 &Chelee tub xaa sela xma leen xkizhyo stub xaa, nu gaw ma xcheen xaa zee, zee nkin kix xaa xcheen xaa kwaan ngokra kwaan mgoon xaa lo xaa zee.
6 &Chelee tub xaa koo ki nu le ki gan lo xaa, nu zeeka nzhobxtil cheen stub xaa kwaan nzhi bdok nu re kwaan nzebaka, zee lee xaa kwaan mleya nkin kix re kwaan nguk.
7 &Chelee tub xaa zaa plat o stub kwaan non kochaw wechxinn xaa, nu ya lewann xaaya leen li xaa zee, nu chelee wann nguga zee kix wann paro nii rop xkwaaya. 8 Nu chelee wann nangugat, zee wee xaa xaa mlochaw plat lo Dios, zee ne xaa nen che nali ngok xaa lo kwaan mlochaw xaa.
9 &Chelee tub xaa nkano tub la ngoon, tub ngwes, tub mbakxiil, tub ler nzhak xaa o stub kwaan lux, nu lee stub xaa yé: "Xma naya", zee wee xaa rop xaa lo Dios, nu lee Dios yé nen cho mleya, zee lee xaa mleya kix rop xkwaa paro nona.
10 &Chelee tub xaa zaa tub ngwes, tub la ngoon, tub mbakxiil o stub lo ma lo wechxinn, nu kanap xaa ma, zee ta lewann xaa ma, ta yet ma o ta ya golp ma, nu nyent cho neya; 11 zee lee xaa zee cheroo lo xaa nak xma ma, kwaan le Xaa Tubka Nak: "Namzent na xcheen xaa", zee lee xaa nak xma ma zeyal, lee xaa mkanap ma nakixt ma.
12 &Nu chelee xaa ne xaa lee xaa kalewann ma, zee nkin kix xaa ma lo xpixwann ma. 13 Chelee tub ma wen gaw tub ma, zee lee xaa nkano ma wee stik ma mlake, zee nakixt xaa ma ngut.
14 &Chelee tub xaa kiin tub ma lo wechxinn nu yet ma o yagolp ma, gorna nyent xpixwann ma, zee nkin kix xaa ma lo xaa. 15 Chelee xpixwann ma nzoka gorzee, zee nayext ma. Nu cheleeya nzhex nka ma, zee nebse yex lo xpixwann ma xmbizh ma.
Ley cheen re xaa
16 &Chelee tub xaabyi kade tub ngwnaa techo, me zer chaal xaabyi, nu gaano xaa me, zee ka xaa me nu kix xaa lo re sawlizh me, tub paro ngix re xaabyi gorna nka xaa ngwnaa. 17 Nu chelee xuz me nazeyalt zaa me, zee lee xaabyi kix paro ngix xaa nka xaa tub ngwnaa, me zer chaal xaabyi.
18 &Rese me nle yalbruj, telise yet.
19 &Rese xaa nchaal ma, koo xa xaa zee yet xaa.
20 &Loka cho teed ma lo stub naz dios, telise yet xaa, cheleeya nanakta lo Xaa Tubka Nak.
21 &Nanzhaalt kade gu re xaa zit, nixa nanzhaalt chaldil gu xaa nel xaa zit ngok gu gorna ngu gu yizhyo Egipto.
22 &Nanzhaalt chaldil gu re ngwzeb nu re me byud. 23 Chelee gu chaldil gu xaa, nu naab xaa lo na, nu lee na gona, 24 nu kwaan yalnayii cheen na gut na gu kwaan spad, zee lee sa gu lake byud nu lee xiin gu lake ngwzeb.
25 &Gorna tache gu demi lo tub xaa nales nzhak, xaa yezh cheen na, xaa nzho lo gu, nalet gu mod re xaa ntache demi, nu nanaabt gu <xinna lo xaa. 26 Chelee xaa laa xaa xchamar xaa kwent cheen demi kwaan mdiin xaa lo gu, zee nkin zaa guya lo xaa gorna yaaz mbizh. 27 Nel nebse leeya nak kwaan nzhap xaa, kwaan nzhak xaa lo nal, chelee gu nazaat guya lo xaa, ¿cho kwaan gak xaa? Nu chelee xaa naab xaa yud lo na, na le yud xaa nel nkano na yalnles.
28 &Nanzhaalt nii nawent lu Dios, nixa naxobdet lu lo xaa nak zhiin lazh lu.
29 &Nayenlazht lu zaa lu re kwaan yilo lo re kwaan ngoon lu lo na. Nu nixa nayenlazht lu zaa lu xgann lu, xaa yilo, lo na. 30 Sbaaka gak lo re ngoon, lo re mbakxiil, ma gal yilotlaka lo re ma; tub gazh mbizh zo ma kwaan xnaa ma, lee mbizh xon, zaa lu ma lo na.
31 &Gu gak xaa nambey lo na, nagawt gu xpaal ma nzhut ma wen, lee baal zee zaa gu gaw mbak.