Ngunii Ches lee re xaa ngol yilo yet
11
Lee Xaa Tubka Nak nzhé lo Ches:—Xaal na stub yalzi lo xaa nak faraón nu lo re xaa Egipto. Yilo ded re kwaane xaa ngok faraón laa nya gu, nu telise koo xaa gu nee. 2 Lee nal guzh lu lo xaa Israel, xaabyi nu ngwnaa, zee naab xaa lo re xaa nzho gax garli xaa, zee zaa xaa kwaan nak or nu plat lo xaa.
3 Lee Xaa Tubka Nak mle nadoo re xaa Egipto lo re xaa Israel noka re xaa nke zhiin lo xaa ngok faraón mle Ches mod tub xaa non nu noka rese xaa Egipto. 4 Ches nzhé lo xaa ngok faraón:
—Snee né Xaa Tubka Nak: "Wall yaal deed na leen yizhyo Egipto, 5 zee gut na rese xaabyi, xaa ngol yilo, lo rese xaa nzho Egipto. Nu zeloya lo xgann lu, xaa yilo, xaa zob nabeyy pa nabeyy lu, nu axta xaa ngol lo me nzoog kwaan lo yech. Nu noka rese ma yilo ngol, gut na. 6 Nu nixa dub yilo zer ne gu kozhe xaa lo yalne mod kwaan gak nal, nu nixa gwluzh nakozhetra xaa. 7 Lee Xaa Tubka Nak xa le lo re xaa Israel lo re xaa Egipto. Nik tub re xaa Israel nixa nik tub xma re xaa Israel naluxt. Nu nixa xpak re xaa naxooytra. 8 Nu rese xaa lu yichezh na nu kichxub xaa nu naab xaa lo na roo na Egipto, nu noka we na re xaa na. Nu zee nya na."
—Lee xaa nak faraón nagont xtizh gu nu lee yalnabeyy cheen na gak naro lo yizhyo Egipto.
10 Nu lee Ches nu Aarón mle re kwaan gro ne lo xaa ngok faraón. Nu lee Xaa Tubka Nak mle ned lextoo xaa ngok faraón, nu namlaat xaa mroo re xaa Israel naz jwer yizhyo Egipto.