Olwaandiko Lwa Kábili Lwa Paulo Ha
Abateesalonike
Obweébeembezi Bwe Echitabu
Omwáanya muche gwoónka, kuluga Paulo asiindike olwaandiko lwoómwe lwa hakubáanza, akabonesa empola nka nikwo, abeekiliza ba Teesalonike, tibalasoomboókiilwe kuluunzi ameégeso goómwe agáandi. Béenzi bakateékuza nka nikwo Yeézu akaba yaásubile. Na abaandi bakaba baálekileho emilimo záabo zóona, ha kuba bakategeza nka nikwo, Yeézu yakaásuba omwáanya gwoóna gwóona. Abaandi tibaleénzile kukola emilimo ha bwo obulemwa. Habwéecho, Paulo yaayaandika olwaandiko lwa kábili, abone kuhiindula ebiteékuzo nke éebyo, ebyaabele biteena amazima. Omu lwaandiko lwa kábili akakomeenteleza nka nikwo, Yeézu akaba atakasubile omúunsi. Kaandi, akabakomeenteleza kuzeendelela kukola emilimo aha bweeyomeleza.