Olwaandiko Lwa Paulo Ha
Abafilipi
Obweébeembezi
Olwaandiko óolu lwa Abafilipi lukaandikwa ne entumwa Paulo. Paulo akaandika olwaandiko óolu aha abeekiliza be ekelezia éezo ekaba éeli omumuzihwa gwa Filipi. Ekelezia éezi ekataandikwa na Paulo, obuchilo óobwo akaba naayolekeelela óokwo. Paulo akaandika olwaandiko óolu káyaahiíngwiile emyáaka bunaanka, obuchilo akaba abohilwe omu ibóhelo omumuzihwa gwa Ruumi (1:13-14). Abeekiliza be ekelezia ya Filipi bakamanyisa engoonzi záabo hali Paulo nibamuzuna ne ebyokumutuunga weényini.
Paulo naabandikila abone kubasiima habwo omusuumbuuso gwáabo. Kaandi, naagaamba óokwo yaakaáhicha kusuugaanisa Empola Nzima za Yeézu omu ibóhelo lya Ruumi, atéena kutíina olufu. Paulo naabatiimbya emiganya, babe nibakulaatila akazeendele ka Yeézu Kristu aha okweeyomeleza. Kaandi, naabahana bateekililizana na ameégeso mábi ga Abayahudi áago galikubakola bataákuhulilana na abeekiliza abáandi no kwiita obumo omu kelezia.
Olwaandiko óolu nilusoombooka kuba olwaandiko lwa amanulilwa, habwo kuba echiteékuzo cha amanulilwa nicheesubiilila entulo nyiinzi. Amanulilwa áago nigabonwa omu beekiliza ba Yeézu Kristu.