Ɨkalata kʉ mpelela gwa kʉ Sadi
3
1 “Kʉ nsuungʼwa va mpelela gwa kʉ Sadi,
vɨga ʉte:
“Aga gwʉ mamenyu ʉkʉhʉma kwa Yɨɨsʉ,
ʉlya ʉnya Mepo lekelakʉpamato (7) tsa Ngʉlʉve ni nondwe lekelakʉpamato.
a Ndɨlʉmanyile ʉlʉgendo lwako.
Avaanu viginia ɨlitaawa lyako viita ʉlɨ mwʉmi,
hʉmbe ʉsue.
2 Sisimuka!
Ʉtsinywilitse tsilya itsihegelye ʉkʉswa,
ʉlwakʉva nandivona ʉkʉta ʉlʉgendo lwako lʉnogelanie pamiiho ga Ngʉlʉve vango.
3 Ʉkʉmbʉhɨtse imanyiiso itsʉ waapʉliike nʉ kwʉpɨlɨla.
Wiibatage itso nʉ kʉpela imbiivi.
Lɨno ɨngave navusisimuki,
jʉndikwitsa kʉ nzɨla jya kʉkenyemula ndʉwʉ igaha ʉndyasi,
nʉkalʉmanye ʉnsɨkɨ ʉgwʉ jʉndikwitsa kwave.
4 “Napeene,
ʉpitsiige ʉlɨ na vaanu vadebe mu Sadi ʉwʉ navɨdabiili mu mbiivi.
Avo wʉ veene valalʉta paninie nʉʉne wʉ vaswalile ɨmisabwa ɨmivalasu,
manya vanogye.
5 Ʉlya ʉvɨ ikʉtsilesa ingelo,
alaswala ɨmisabwa ɨmivalasu nda veene.
Nʉʉne nandɨlahetse ɨlitaawa lya mwene mu kɨtabu kya wʉʉmi,
b apeene ndɨlalɨtsova pamiiho ga Daada na pamiiho ga vasuungʼwa va mwene.
6 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.
Ɨkalata kʉ mpelela gwa kʉ Filadelufiya
7 “Kʉ nsuungʼwa va mpelela gwa kʉ Filadelufiya,
vɨga ʉte:
“Aga gwʉ mamenyu ʉkʉhʉma kwa Yɨɨsʉ,
ʉlya ʉmbalatse ikange mmʉʉgʉ,
ʉvɨ alɨ nɨ sungulu ɨjya vʉtavʉlɨlwa wa nkʉlʉdeeva ʉDavʉdi.
Ʉmwene angadɨndʉle nakʉli ʉva kʉdɨnda,
ikange angadɨnde nakʉli ʉva kʉdɨndʉla.
8 Ndɨlʉmanyile ʉlʉgendo lwako.
Lola,
ndɨkʉpye ʉndyango ʉgʉdɨndʉliiwe pavʉlongolo paave,
ʉgwʉ nakʉli ʉjyʉnge ʉviweesa ʉkʉgʉdɨnda.
Ndɨlʉmanyile ʉlɨ na maka madebe,
napeene wibiite ɨlimenyu lyango,
ikange nawaambeele ʉne.
9 Pʉlɨhɨtsa,
ndikʉkʉpa ʉve avaanu va lisinagogi lya Setano,
ʉwʉ vikɨtsova ʉkʉta wʉ Vayahudi,
hʉmbe nawʉ jɨlɨwo.
Avaanu avo vanuasi.
Ndikʉvavɨɨka avo viitse kupembetsa kwave nʉ kʉlʉmanya ʉkʉta ndɨkʉganile.
10 Lɨno,
ʉlwakʉva wɨɨjʉmɨɨliitse ndʉwʉ ndyakʉlagye,
pwʉ ʉne jʉndikʉkʉloleela ʉhʉme mu nsɨkɨ gwa ngelo ʉgʉlɨ piipi ʉkwitsa kukʉvagela avaanu va kɨlʉnga kyoni.
11 Ndikwitsa ngʼaningʼaani.
Wiibatage siitso kɨlya ɨkyʉ ʉlɨ nakyo,
aleke ʉmuunu ʉkʉpoka ʉlʉdingʼulilo lwako.c
12 Ʉlya ʉvɨ ikʉtsilesa ingelo,
ndɨlambɨɨka ave ngʼotsi mu Vʉtaamo ʉVʉvalatse wa Ngʉlʉved vango,
nalahege ʉmwa lʉsiku.
Kʉ muunu ʉjwa,
ndɨlavɨga ɨlitaawa lya Ngʉlʉve vango nɨ litaawa lya vʉtsenge wa Ngʉlʉve vango,
kwʉ kʉta ɨYelusalemu ɨɨmyae ʉvʉliika ʉkʉhʉma kʉkyanya kwa Ngʉlʉve vango.
Ikange kʉ mwene ndɨlavɨga ɨlitaawa lyango jyʉne,
lɨlya ɨlipya.
13 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.
Ɨkalata kʉ mpelela gwa kʉ Laodikiya
14 “Kʉ nsuungʼwa va mpelela gwa kʉ Laodikiya,
vɨga ʉte:
“Ʉne ndɨ ndikwɨlangwa Ameni,
ndɨ mwoleletsi ndɨ va jɨlweli ikange mmʉʉgʉ,
ndɨ vʉtengʉlɨlo wa sipeliwa syonif isyʉ apelile ʉNgʉlʉve nditsova ndiita:
15 Ndɨlʉmanyile ʉlʉgendo lwako ʉkʉta ʉve nʉlɨ ntsitsimu pange nʉlɨ mpyʉsu.
Hʉba ʉkaale ʉveetsage intsitsimu evo ʉkaale ʉveetsage impyʉsu!
16 Lɨno ʉlwakʉva ʉvye nsuukesu,
nʉlɨ ntsitsimu pange nʉlɨ mpyʉsu,
pwʉ jʉndikʉkʉdeeka ʉhʉme mu ndomo gwango.
17 Ʉve vukɨtsova wiita,
‘Ndɨlɨ mmosu,
ndɨkavile ʉvʉmosu wongosu,
nandɨdumukiilwi ɨkɨveetsaga.’
Lɨno nʉlʉmanyili ʉkʉta ʉve ʉlɨ kʉjagile kʉlekile,
ʉlɨ va kʉkolelwa ɨkɨsa,
ʉlɨ nʼgatsu,
ʉlɨ mʼbosu ikange ʉsuuliike.
18 Ndikʉkʉvʉʉla ɨkɨɨnu ɨkɨnonu kya kʉvomba ndiita,
ʉgʉle kwane ɨsahabu ɨjyʉ vajɨvaliitse mu mwoto,
pakʉta ʉveetsage mmosu.
Ikange lwiva lʉnonu ʉgʉle ɨmisabwa ɨmivalasu,
ʉswale nʉ kʉsiha ʉvʉsuula waako pakʉta ʉleke ʉkʉkotsa isoni.
Ʉgʉle ʉnʼgoda gwa kʉbaka mu miiho gaako pakʉta ʉlolage vʉnonu.
19 “Vooni ʉwʉ ndɨvaganile,
ʉne ndikʉvatanila nʉ kʉvavʉnga.
Pwʉ ʉve ʉgimbage ʉkʉtaama mu lwɨdɨko nʉ kʉpela imbiivi tsyako.
20 Lola,
ʉne ndyɨmile pa ndyango ndikongʼoona.
Ʉmuunu ʉvɨ ipʉlɨka ɨlimenyu lyango nʉ kʉdɨndʉla ʉndyango,
ndikwingila kʉ mwene,
pwʉ ʉne ndilitsaga paninie nave,
namwene paninie nʉʉne.
21 Ʉlya ʉvɨ ikʉtsilesa ingelo,
ndɨlantavʉla ʉkʉtaama paninie nʉʉne pa kɨnyalwangʉla kyango kya Lʉdeeva.
Alaava ndʉwʉ ndɨlɨwo ʉne ndɨ ndyatsilemile ingelo nʉ kʉtaama paninie nʉ Daada pa kɨnyalwangʉla kya mwene kya Lʉdeeva.
22 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.”