Ɨkalata kʉ mpelela gwa kʉ Efeso
2
1 ɄYɨɨsʉ akagendelela ʉkʉmbʉʉla ʉne akata,
“Kʉ nsuungʼwa va mpelela gwa kʉ Efeso,
vɨga ʉte:
“Aga gwʉ mamenyu ʉgwʉ itsova,
ʉlya ʉvɨ ibiite inondwe lekelakʉpamato (7) mu kɨvoko kya mwene kya kʉndyo,
a ʉvɨ igenda pagati pa sidʉlɨkɨlo sya nyaale sya sahabu lekelakʉpamato,
iita:
2 Ndɨlʉmanyile ʉlʉgendo lwako,
ʉkwɨkupila kwave nʉ lwɨjʉmɨɨlɨtso lwave.
Ikange ndɨlʉmanyile ʉkʉta nawigela ʉkwɨdɨngʼana navo avatulanongwa,
ikange ʉvagelile ʉwʉ vikɨtsova ʉkʉta wʉ vapositili hʉmbe nawʉvalɨwo.
Ʉvaweene ʉkʉta vitsova ʉvʉnuasi.
3 Ikange ʉpʉlɨkye nʉ kʉsindamala kʉ nongwa jya litaawa lyango kɨtsila kʉgatala.
4 “Lɨno ndɨlɨ nɨ limenyu ɨlyʉ nandikwɨdɨngʼana nʉʉve,
ʉlʉlekile ʉlʉgano lwako ʉlwʉ waale nalwo pa vʉtengʉlɨlo.
5 Lɨno ndiita ʉkʉmbʉhɨtse ʉmwʉ waaveelye wʉ nʉjagili.
Ʉpele imbiivi tsyako,
ʉvombage imbombo itsʉ waavombaga pa vʉtengʉlɨlo.
Lɨno ɨngave nʉkavombe itso,
jʉndikwitsa ngʼaningʼaani kwave nʉ kʉhetsa ɨkɨdʉlɨkɨlo kyako kya nyaale ʉpwʉ kɨlɨpwo.
6 Napeene,
ndikʉkʉginia kʉ kɨɨnu kɨpamato ɨkya kʉtsisʉʉla tsilya itsʉ vivomba aVanikolai.
b Imbombo itso najyʉne ndɨtsisʉʉlile.
7 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.
Ʉlya ʉvɨ ikʉtsilesa ingelo,
ndɨlampa iseke tsa mʼbɨkɨ gwa wʉʉmi,
ʉgʉlɨ mu Paladɨsi jya Ngʉlʉve.dc
Ɨkalata kʉ mpelela gwa kʉ Similina
8 “Kʉ nsuungʼwa va mpelela gwa kʉ Similina,
vɨga ʉte:
“Aga gwʉ mamenyu ʉkʉhʉma kwa Yɨɨsʉ ʉvɨ Vʉtengʉlɨlo ikange vɨ Vʉmalɨlo,
ʉvɨ aasue ikange aatsʉʉkile:e
9 Ndɨvʉmanyile ʉvʉkʉvɨlwa waako nʉ vʉgatsu waako,
lɨno ɨlweli jyene,
ʉve ʉlɨ mmosu.
Ndɨgamanyile nageene amadʉsi ga valya avikɨtsova ʉkʉta wʉ Vayahudi,
hʉmbe nawʉ jɨlɨwo.
Avaanu avo va lisinagogif lya Setano.g
10 Ʉladwadaga ʉvʉkʉvɨlwa ʉwʉ vʉlakwitsila.
Pʉlɨhɨtsa!
ɄSetano alavataaga avajiinyo vaninie mu kɨkʉngwa pakʉta avape ingelo.
Mulakʉvɨlwa isigono kɨtsigo (10).
Ʉveetsage immʉʉgʉ ndakʉve kʉswa,
pwʉ ʉne ndɨlakʉpa ʉlʉdingʼulilo lwa wʉʉmi wa sikutsooni na sikutsooni.
11 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.
Ʉvɨ ikʉtsilesa ingelo,
nalaaswe ʉvʉswe wa vɨɨlɨ.h
Ɨkalata kʉ mpelela gwa kʉ Pegamo
12 “Kʉ nsuungʼwa va mpelela gwa kʉ Pegamo,
vɨga ʉte:
“Aga mamenyu ʉkʉhʉma kwa Yɨɨsʉ,
ʉlya ʉvɨ alɨ nɨ lipanga ɨlɨnya wʉʉge kʉnʉ na kʉnʉ:i
13 Ndɨpamanyile ʉpwʉ vutaama,
apo pwʉ pa vʉtaamo ʉvʉvaha wa Setano,
napeene ʉve vugendelela ʉkʉnnyɨdɨka.
Ikange ʉve nawaambeele pa sigono silya ʉpwʉ ʉmwoleletsi vango ʉmmʉʉgʉ ʉAntipa aabudilwe pagati paanyie,
apo ʉpwʉ itaama ʉSetano.
14 “Lɨno,
ndɨlɨ nago amamenyu madebe ʉgwʉ nandikwɨdɨngʼana nʉʉve:
Pagati paanyie pwʉvale vaninie avikonga imanyiiso tsa Balamu.
Ʉlya vɨ mwene aammanyiise ʉBalaki avajatse aVaisilahɨli ʉkʉta valye ineekelo itsʉ vateekye kʉ mingʉlʉve nʉ kʉvomba ʉvʉligu.j
15 Ikange kwave kwʉvale na vange avikonga imanyiiso tsa Vanikolai.k
16 Pwʉ lɨno ndiita ʉpele imbiivi tsyako!
Ʉngave nʉkapele,
ndikwitsa kwave ngʼaningʼaani nʉ kʉlwa navo avaanu avo kʉ nzɨla jya lipanga ɨlihʉma mu ndomo gwango.
17 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.
Ʉlya ʉvɨ ikʉtsilesa ingelo ndɨlampa ɨmanal ɨjyasihilwe.
Ikange ndɨlampa ɨliganga ɨlivalasu ɨlyʉ lɨvɨgilwe ɨlitaawa ɨlipya ɨlyʉ nakʉli ʉvalɨmanyile,
apeene mwene ʉlya ʉvɨ ikʉlyʉpɨlɨla.
Ɨkalata kʉ mpelela gwa kʉ Fiyatila
18 “Kʉ nsuungʼwa va mpelela gwa kʉ Fiyatila,
vɨga ʉte:
“Aga gwʉ mamenyu ʉgwʉ itsova ʉMwana va Ngʉlʉve,
ʉmwene ʉvɨ amiiho ga mwene gilengadɨka ʉngata mwoto,
ikange isilʉnde sya mwene sivye ʉngata kyʉma ɨkyʉ kɨvalatsiiwe siitso.m
19 Ndɨlʉmanyile ʉlʉgendo lwako nʉ lʉgano lwako nʉ lwɨdɨko lwako nʉ vʉvombeli waako paninie nʉ lwɨjʉmɨɨlɨtso lwako.
Ikange ʉlʉgendo lwako lwa lɨno lʉnonu ʉkʉlʉtɨɨlɨla pa lʉlya ʉlwa katale.
20 Lɨno ndɨlɨ nɨ limenyu ɨlyʉ nandikwɨdɨngʼana nʉʉve:
Vukʉnsipilila ʉnʼdala ʉlya ʉYezebeli,
n ʉvɨ ikɨjɨlanga ʉkʉta vɨ nyamalago.
Lɨno ikʉvamanyiisa avavombi vango nʉ kʉvajatsa,
ʉkʉta vavombage ʉvʉligu nʉ kʉlya ineekelo itsʉ vateekye kʉ mingʉlʉve.
21 Ʉne ndɨkampye ʉnsɨkɨ gwa kʉpela imbiivi,
lɨno ninogwa ʉkʉvʉleka ʉvʉligu wa mwene.
22 Pʉlɨhɨtsa,
ndikʉmpa ʉvʉtamu ʉwʉ jʉvukʉmpelela alemwagwe nakʉ kʉsisimuka pa vʉgono.
Ikange avaanu ʉwʉ viligupa nave jʉndikʉvapa ʉvʉkʉvɨlwa ɨngave navipela pa mbombo tsa veene imbiivi itsʉ vivomba nave.
23 Ikange jʉndikʉvabuda avakongi va mwene,
pakʉta ɨmipelela gyoni gɨlʉmanye ʉkʉta ʉne neene ndilolengʼania inumbula naga masaago ga vaanu.
Ikange valʉmanye ʉkʉta ʉne ndikʉvahomba ʉnyie,
mpamato mpamato,
ʉkʉkongana ni mbombo itsʉ muvomba.
24 “Lɨno kwanyie nyɨ vange nyɨ mulɨ mu Fiyatila,
nyɨ namukonga imanyiiso tsa Yezebeli,
ikange namumanyila imanyiiso itso itsʉ avange viita manyiiso tsa mu nʼgati siitso tsa Setano,
ndiita,
nandɨkavatwɨke ʉntsigo ʉntsito ʉgʉnge.
25 Apeene ndikʉvalagɨla ʉkʉta mwibatage siitso kɨlya ɨkyʉ mulɨ nakyo,
ʉkʉsikila pa nsɨkɨ ʉgwʉ ndɨliitsa.
26 Ʉlya ʉvɨ ikʉtsilesa ingelo nʉ kʉgendelela ʉkʉkonga itsa vʉnogwe wango ʉkʉsikila kʉ vʉmalɨlo,
‘Ndɨlampa ʉvʉtavʉlɨlwa wa kʉlongotsa avaanu va sivʉmbʉkʉ syoni.
27 Ʉmwene alalongotsaaga avaanu kʉ nzɨla jya nsaga gwa kyʉma,
alavabuda ʉngata sikongʼolo isivʉmbano isya mmanga,’
o
ndʉwʉ ʉne najyʉne ndyʉʉpɨlye ʉvʉtavʉlɨlwa ʉkʉhʉma kwa Daada.
28 Paninie nɨɨlyo ndɨlampa ʉlʉtondwe lʉlya ʉlungʼaala siitso pavʉsiku.
29 “Ʉvɨ ipʉlɨka,
vɨ apʉlɨkage galya ʉgwʉ ʉMepo ʉMbalatse ikʉgɨvʉʉla ɨmipelela.