ɄYɨɨsʉ vɨ mbaha ʉkʉlʉtɨɨlɨla ʉMoose
3
1 Pwʉ lɨno vɨɨdɨkivajyango mwa Kɨlɨsiti,
nyɨ mwɨlangilwe nʉ Ngʉlʉve ndʉʉwe,
gendelelagi ʉkʉsaagɨlɨla siitso ʉkʉta ʉYɨɨsʉ vɨ aasuungʼilwe nʉ Ngʉlʉve ikange vɨ nteeketsi ʉmbaha viitu ʉvɨ tukʉmwɨdɨka.
2 Ʉjwa aale mmʉʉgʉ ʉkʉvomba ago gooni kwa Ngʉlʉve ʉvɨ aamwomwe,
ndʉwʉ ʉMoose aale kʉ vaanu vooni va Ngʉlʉve,
aVaisilahɨli.a
3 Ʉntsenganyumba ikwɨmɨkiwa ʉkʉlʉtɨɨlɨla ɨnyumba ɨjyatsengile.
Vʉvʉle vʉle ʉYɨɨsʉ vɨ ɨmɨkiwaagwe ʉkʉlʉtɨɨlɨla ʉMoose.
4 Manya ɨnyumba ɨjɨveetsaga jɨlɨ nʉ ntsenganyumba va jyene,
napeene ʉNgʉlʉve vɨ apelile isiinu syoni.
5 ɄMoose aale mbombi mmʉʉgʉ pagati pa vaanu vooni va Ngʉlʉve,
b aVaisilahɨli.
Ɨmbombo jya mwene jyale jya kʉvonia galya ʉgwʉ ʉNgʉlʉve kʉmbele aale ikwitsa itsova.
6 Lɨno ʉKɨlɨsiti,
ʉMwana lʉdɨɨga va mwene immʉʉgʉ ikange vɨ mwɨmɨɨlɨtsi va vaanu vooni va Ngʉlʉve.
Najyʉwe twiva vaanu va mwene tʉngagendelelage ʉkʉnywilila nʉ kwibatɨlɨla ʉlʉhʉʉvɨlo ʉlwʉ tʉlɨ nalwo mwa Kɨlɨsiti.
Ʉvʉviivi wa kʉlʉleka ʉlwɨdɨko
7 Ɨkɨ kyʉ kɨɨnu ʉMepo ʉMbalatse iita,
“Ɨleelo,
mungapʉlɨke ɨlimenyu lya Ngʉlʉve,
8 muleke ʉkʉva ni numbula itsikiliitye ndʉwʉ avakʉkʉjiinyo vaale,
ʉpwʉ vaabeelile ʉkʉlongotsiwa na ndɨ Ngʉlʉve,
c
ʉnsɨkɨ gʉlya ʉpwʉ vaangelile ʉkʉ kʉ lʉkɨnga.d
9 Manya ʉkwa vaangelile,
nʉpwʉ jɨngave vaalolile ʉmwʉ ndyavavombye kʉ myaka isitsigo sinni (40).
10 Pwʉ lɨno ɨkɨvʉmbʉkʉ ɨkyo kyambipiitse ʉne,
ndɨkata,
‘Avaanu avo isigono syoni vanya masaago amaviivi mu numbula,
ikange navinogwa ʉkʉkonga inzɨla tsyango.’
11 Pwʉ lɨno ndyaviipitsiiwe,
ndyɨɨjyɨgile ndɨkata,
‘Tsa jɨlweli avaanu avo nandɨlavatavʉle ʉkwingila apoonu pa kʉgatalʉka ʉpwʉ ndyanotsiitse.’ ”e
12 Vɨɨdɨkivajyango,
mwɨlolelage,
aleke ʉkʉvepwo nʉ mpamato mwanyie ʉnya numbula ɨmbiivi ɨjyʉ najikwɨdɨka.
Ʉmuunu ʉvivomba ewo,
ikɨpaadʉla nʉ Ngʉlʉve ʉMwʉmi.
13 Lɨno nʉ jyʉnge annywilitsaage ʉnnine ɨnumbula mu kɨgono ɨkɨveetsaga,
sambe kitambʉlwa “Ɨleelo,”
f pakʉta aleke ʉkʉvepwo ʉmuunu ʉvɨ ɨnumbula jikiliitala ʉkʉhʉmana nʉ vʉsyovi wa mbiivi.
14 Ʉwe tʉlɨ paninie nʉ Kɨlɨsiti,
ɨngave tukɨkupila ʉkwibatɨlɨla ʉlwɨdɨko ʉlwʉ twale nalwo ʉkʉhʉma pa vʉtengʉlɨlo ʉkʉsika kʉ vʉsililo.
15 Lola,
ʉVʉvɨge ʉVʉvalatse wiita,
“Ɨleelo,
mungapʉlɨke ɨlimenyu lya Ngʉlʉve,
muleke ʉkʉva ni numbula itsikiliitye ndʉwʉ avakʉkʉjiinyo vaale,
ʉpwʉ vaabeelile ʉkʉlongotsiwa na ndɨ Ngʉlʉve.”g
16 Wʉ va veeni avo avaapʉliike nʉ kʉbeela ɨlimenyu lya Ngʉlʉve?
Wʉ valya vooni avaalongotsiiwe nʉ Moose ʉkʉhʉma kʉ Misili.
17 Ikange,
wʉ va veeni avaambipiitse ʉNgʉlʉve ɨmyaka isitsigo sinni?
Wʉ valya avaavombile imbiivi ʉkʉsikila viiswa mu lʉkɨnga.
18 Ikange wʉ va veeni ʉwʉ vaapelile ʉNgʉlʉve ɨjyɨge ʉkʉta nalavatavʉle viingile apoonu pa kʉgatalʉka ʉpwʉ aavanotsehiitse?
Wʉ valya avaahabwike.
19 Pwʉ lɨno tʉlʉmanyile ʉkʉta avaanu avo vaalemilwe ʉkwingila apoonu apo kʉ nongwa jya kʉleka ʉkwɨdɨka.