Ɨkalata jya Paulo
kʉ Vafilipi
Ikulongwi itsilongola
Ɨkalata jya Vafilipi jyavɨgilwe nʉ mpositili ʉPaulo. Jivoneka ʉkʉta ʉPaulo aavɨgile ɨkalata ɨjɨ mu mwaka gwa sitsigo sihaano na gɨhaano (55) Waholilwe ʉYɨɨsʉ Kɨlɨsiti. Ʉnsɨkɨ ʉgwa aale mu kɨkʉngwa ʉkʉ kʉ vʉtsenge wa Looma (Vafilipi 1:13-14). ɄPaulo aavavɨgye avaanu aavʉʉpɨlye ʉVʉkɨlɨsiti ʉnsɨkɨ gʉlya ʉgwʉ ʉPaulo aasiike kʉ veene nʉ kʉlʉmbɨlɨla ɨLivangɨli. Kʉmbele, veene aVakɨlɨsiti avo, wʉ vaavoniitse ʉlʉgano lwa kʉnʼgana ʉPaulo nʉ kʉmpa isiinu isyalondaga ʉkʉva nasyo.
Ʉvʉsumbe wa Paulo wa kʉvavɨgɨla ɨkalata ɨjɨ waale wa kʉvalɨmya aVafilipi pa lʉtangɨlo ʉlwʉ vaahʉmiitse kʉ mwene ʉkʉgendela kwa Epafulodito. Kange aanogilwe ʉkʉvalʉngɨkɨla itsa kʉvomba ni tsa kʉvapa amaka pakʉta vakongage ɨkɨmanyilo kya Yɨɨsʉ Kɨlɨsiti mu kwɨjʉmɨɨlɨtsa pa nsɨkɨ gwa vʉpala. Ɨkɨɨnu ɨkɨnge ɨkyasumbilwe ʉkʉvavʉʉla kyale ʉkʉvapavɨla vɨlolelage ni manyiiso imbiivi tsa Vayahudi itsyavapelelaga ʉkʉsambʉngʼana avɨɨdɨki mu mpelela gwa veene.
Ɨkalata ɨjɨ jɨmanyikiike ʉkʉta kalata jya lʉhekelo ʉlwakʉva mu nʼgati mu jyene litsowa ɨlisaago lya lʉhekelo kakongosu. Ʉlʉhekelo ʉlwa lwɨtotiike mu kʉva vɨɨdɨki va Yɨɨsʉ Kɨlɨsiti.