Ʉkʉtsʉʉka kwa Yɨɨsʉ
16
1 ƗSabato wʉ jɨsilile,
a ʉMaliyamu Magadalena,
ʉSalome,
nʉ Maliyamu ʉvanyina va Yakobo vaagʉlile amafuta aginuungʼilila pa vʉnogwe wa kʉbɨha kwibaka ʉnsimba gwa Yɨɨsʉ.
2 Pamulʉngʉ pavʉsiku,
ɨlitsʉva wʉ lihʉma,
vakabɨha kʉ vʉguli.
3 Mu nzɨla vakatengʉla ʉkʉvʉʉtsania vakata,
“Veeni ʉvapya ikʉtʉhetsehetsa ɨliganga pa ndyango gwa vʉguli?”
4 Wʉ vasiike palya,
vakavona ɨliganga,
ɨlyale livaha siitso,
lɨbɨɨlwike.
5 Pwʉ vakiingila mu vʉguli,
vakambona ʉnʼdɨɨmi ataamile ʉlʉvasu ʉlwa kʉndyo,
aswalile ʉnsabwa ʉmbalasu,
vakadwada siitso.
6 Ʉnʼdɨɨmi ʉjwa akavavʉʉla akata,
“Muleke ʉkʉkenyemuka.
Mukʉndonda ʉYɨɨsʉ ʉva mu Nazaleti ʉvɨ akatoveliilwe pa kɨdamingʼanie.
Atsʉʉkile,
apa napali.
Loli ʉpwʉ vakanʼgoniitse.
7 Bɨhagi mukavavʉʉle avakongi va mwene paninie nʉ Petulo ʉkʉta,
avalongwe ʉkʉbɨha kʉ kɨlʉnga kya Galilaya.
Ʉkwa kwʉ kwene mutsikʉmbona ndʉwʉ akavavʉʉlile.”b
8 Avadala valya wʉ vapʉliike itso,
vakadega nʉ kʉtetema.
Vakahʉma kʉnzi,
vakahega pa vʉguli kʉnʉ vinyila.
Navaambʉʉle ʉmuunu ʉvaveetsaga pakʉva vaale nʉ lʉdwado.
ɄYɨɨsʉ ikʉmbonekela ʉMaliyamu Magadalena
9 ɄYɨɨsʉ wʉ atsʉʉkile pavʉsiku jyɨkɨlo Pamulʉngʉ,
aatalile ʉkʉmbonekela ʉMaliyamu Magadalena ʉvaammʉmiitse imepo imbiivi lekelakʉpamato (7).
10 Ʉjwa akabɨha akavavʉʉla ɨkulongwi ɨjɨ avakongi va Yɨɨsʉ ʉwʉ ʉnsɨkɨ ʉgwa vaalɨlaga nʉ kwɨlʉmbʉsa.
11 Wʉ vapʉliike kʉ mwene ʉkʉta ʉYɨɨsʉ mwʉmi,
ikange ambwene,
navɨɨdɨke.
ɄYɨɨsʉ ikʉvavonekela avakongi va mwene
12 Pambele,
ʉYɨɨsʉ akavavonekela avakongi vavɨlɨ,
akava nɨ kɨhwani ɨkɨnge.
Aveene avo vaahʉmile kʉ Yelusalemu valɨkʉlʉta kʉ litsumbe lya pawiipi.
13 Pwʉ naveene avo vakakilivuka kukʉvavʉʉla avajyavo,
napeene navɨɨdɨke.
14 Kʉ vʉmalɨlo ʉYɨɨsʉ akavavonekela avakongi kɨtsigo nʉ mpamato (11) wʉ viilya ɨkyakʉlya.
Akavakelemukila pa kʉleka ʉkwɨdɨka nʉ kʉva ni numbula inzito ʉkwʉpɨlɨla amamenyu ga vaanu avaambwene ʉYɨɨsʉ wʉ atsʉʉkile.
15 Akavavʉʉla avakongi va mwene akata,
“Lɨno,
lʉtagi mu kɨlʉnga kyoni,
mukalʉmbɨlɨlage ɨLivangɨli kʉ vaanu vooni.
16 Ʉmuunu ʉvapya ikwɨdɨka iita nʉ kwotsiwa,
vɨ mwene ipokwa,
ʉvɨ nikwɨdɨka,
alahɨgwa.
17 Isimanyilo isi jʉsikonganaga na valya avɨɨdɨki.
Mu litaawa lyango jʉvihetsaaga imepo imbiivi nʉ kʉtsova inzovele iimya.
18 Vangave jʉvikwibata inzoka evo ʉkʉnywa isiinu isivɨɨkilwe ʉnkali,
nasikavanange.
Ikange,
jʉvikʉvavɨɨkɨlaga isivoko avatamu naveene viponaga.”
ɄYɨɨsʉ itoga kʉkyanya
19 ɄNtwa ʉYɨɨsʉ wʉ atsovile navo amamenyu ago,
akatoolwa ʉkʉbɨha kʉkyanya,
pwʉ akatsitaama kʉ kɨtaamilo kya vʉtwa,
kʉ kɨvoko ɨkya kʉndyo ɨkya Ngʉlʉve.
20 Avakongi vakahega,
vakabɨha kulʉmbɨlɨla kwoni kwoni.
ɄNtwa akava ivomba imbombo paninie navo,
alɨkʉvonia ʉkʉta ɨkulongwi jya mwene ɨjyʉ vilʉmbɨlɨla jya jɨlweli.
Itsi aavoniaga kʉ nzɨla jya simanyilo isyavombekaga.c