ཆོའེ་ ཅོ་ཅེ་ ཧོར་ལ་ ལབ་ཞ་།
2
ཚང་མེ་སང་ ངུལ་ལ་, མི་ཚང་མེ་ཕི་ ཀོན་འཇོག་ལ་ མོ་ལམ་ འདང་ ཞུ་ཝ་, སོལ་ཝ་ ཡང་ ཐུག་ཞེ་ཆེ་ ཞུའི་ ཟེར་རྡེ་ ཧུལ་མ་ ནེན་ཏེན་ ཏང་ངེ་ཡོད་། 2 ཏེ་རྒ་ ཙོག་སེ་, ཀོན་འཇོག་རྒེ་ ཤོད་ལམ་ འདང་ ཏམ་པ་ ལམ་མེ་ཀ་ འགྲུ་ལེན་ ཨ་ཧོ་རྒུན་ ཞིའི་རྡེ་ རྡང་ ཁམ་ཟང་ངེ་ མི་ཙེ་, པུད་ ཉེན་ཅེ་ལ་ རྒྱ་སྤོ་ རྡང་ ཝང་ ཡོ་ཀན་ ཚང་མེ་ཕི་ མོ་ལམ་ ཞུའི་ཧེ་། 3 འི་ཟུག་ལ་ མོ་ལམ་ ཞུ་ཅེའོ་, རྒྱལ་ལེ་ཞིག་ ནོག་, ཡང་ ཨ་ཧོ་རྒུ་ནི་ རྐྱབ་འགོན་ ཀོན་འཇོག་ ཐུག་ཐེད་རྡེ་ནོག་། 4 མི་ཚང་མ་ རྐྱོབ་ཅེ་ རྡང་ ཀོན་འཇོག་རྒེ་ རྡེན་འབའ་ ཤེ་ཤེའོ་ ཁོང་ངེ་ ཐུག་འདོད་ ནོག་། 5 ཀོན་འཇོག་ ཅིག་ཅིག་ ཞུ་རྡེ་ འིན་, ཡང་ ཀོན་འཇོག་ ཏང་ མི་ཚང་མེ་ པར་ལ་ པར་མི་ ཅིག་པོ་ནི་ མ་ཤི་ཀ་ ཡི་ཤུ་, མིའུ་ ཞུ་རྡེ་ནོག་། 6 ཚང་མེ་ཕི་ ར་ཝང་ ཉོ་ ཛེད་ཅེ་ལ་ ཁོང་ངེ་ ཁོ་རང་ངེ་ མི་ཙེ་རྦོ་ པུ་ལེ་ ཛེད་། འི་རྦོ་ ཀོན་འཇོག་རྒེ་ འཇིག་རྟེན་ནེ་ མི་རྒུན་ལ་ ཁོ་རང་ངེ་ འདམ་མེ་ ཛེད་ཀ་ནེ་ ཏུའི་རྦེ་ཀ་ སལ་ལེ་ ཛེད་ཀ་ནེ་ ཁྲིན་འབོ་ ནོག་། 7 ཡ་ཧུ་འདཱ་པ་ མན་ཀན་རྒུན་ལ་ ཏེཏ་པ་ འདང་ རྡེན་འབེ་ ཧོར་ལ་ འི་ ཁྲིན་རྒུན་ ཤེད་ཀན་ རྡང་ ཧུ་ཚབ་ལ་ ང་ འདམ་མེ་ ཛེད་། ངེ་ ཟུན་ ཏང་ངེ་མེད་ རྡེན་འབའ་ ཟེ་འིན་།8 ངེ་ འདོད་པ་རྦོ་ ཆོའེ་ ཅོ་སེ་ མལ་ལ་ ཚང་མེ་ པུ་ཙ་རྒུ་ནི་ སྲོ་ ཡང་ ཁྲུག་པ་ མེ་ཀ་ནེ་ ཏམ་པེ་ ལག་པ་རྒུན་ ལྟ་ལ་ ཏག་ཏེ་ ཀོན་འཇོག་ལ་ མོ་ལམ་ ཞུ་རྒོའེ་ཤེའོ་ ནོག་།
པོ་མོ་རྒུན་ལ་ ལབ་ཞ་།
9 ཏེ་རྒ་ ཙོག་སེ་, པོ་མོ་རྒུ་ནི་ ཀོའེ་ལག་རྒུན་ འོའེ་སྤ་ རིག་ ཀོན་རྒོའེ་། སྲ་རྒུན་ རྡམ་ ཚུལ་ ཡང་ སེར་ ཡ་ མུ་ཏིག་ ཏག་ཅེ་ ཡང་ རིན་ཅེན་ནེ་ ཀོའེ་ལག་རྒུན་ ཀོན་འདེ་ ཁྱི་ཞ་རྒུན་ ཆོག་ལ་ མི་རྒུ་ནི་ ནྃ་ ཁྱོང་ མི་རྒོའེ་། 10 འིན་ན་ རང་ ལེ་ཧ་ ཟང་པེ་ ཐོག་ནི་ ཟབ་རྒོ་ཤེ་ ནོག་, ཀ་ཟུག་ ཀོན་འཇོག་ལ་ འཇིའི་རྡེ་ འགྲུལ་ཧ་ནེ་ པོ་མོ་རྒུན་ལ་ འོའེ་སྤ་ འིན་།
11 པོ་མོ་རྒུ་ནི་ ཅེཔ་ཁ་རོག་ཏེ་ ཆོའེ་ཚོག་རྒེ་ འུ་རྐྱོང་རྒུ་ནི་ ཡོག་ལ་ འདེད་ཏེ་ ཆོའེ་ཤེད་ཀན་རྒུན་, ལོབ་རྒོ་ཤེ་ ནོག་། 12 ངེ་ པོ་མོ་རྒུན་ལ་ པུ་ཙ་ ལབ་ཅེ་ ཡང་ པུ་ཙེ་ཀ་ ཝང་རྒུན་ ཅོ་ཅེ་ལ་ རྒོང་སྤ་ ཏང་ངེ་མེད་། ཁོང་རྒུ་ནི་ ཅེཔ་ཁ་རོག་ཏེ་ འདེད་རྒོའེ་རྡེན་། 13 ཅེ་ཟེར་ནི་ ཀོན་འཇོག་རྒེ་ ཧ་ཝ་ ཟེར་ཧ་ནེ་ པོ་མོ་རྦེ་སང་ ངུལ་ལ་, ཨ་འདཱམ་a ཅོའོ་ ཛེད་ཏེ་ འིན་འབེན་། 14 ཡང་ འགོམ་ཧོར་རེ་ན་ ཡོང་ཀན་འབོ་ ཨ་འདཱམ་ མན་ ཧ་ཝ་ ནོག་ ཀ་འབོ་ལ་ རྡུད་རྡེ་ འགོ་ཧོར་རྡེ་ རྡིག་ཅེན་ འགྱུར་ཤུག་། 15 ཀལ་ཏེ་ པོ་མོ་རྒུ་ནི་ ཀོན་འཇོག་རྒེ་ན་ ཏེཏ་པ་, ཅིག་ ཏང་ ཅིག་རྒེ་ན་ ཤེ་སྤ་, ཏམ་པ་ རྡང་, རང་སེམ་ ཆུན་ཉེན་ཀ་ནེ་ མི་ཙེ་ཞིག་ པུད་རྡེ་ཡོད་ནི་, ཁོང་རྒུན་ ཕྲུ་རྒུ་ རྐྱེ་ཅེ་ རྒྱུད་ཏེ་ རྐྱོབ་རྦེ་ ཛེ་རྡེན་།