ཐེ་ས་ལོ་ནི་ཀེ་ ཆོའེ་ཚོག་ལ་ པ་འུ་ལུའི་ ཆག་འབྲི་ ཉི་སྤ་།
ཐེ་ས་ལོ་ནི་ཀེ་ ཆོའེ་ཚོག་ལ་ པ་འུ་ལུའི་ ཆག་འབྲི་ ཉི་སྤེ་ ཧོར་།
འི་ ཆག་འབྲི་རྦོ་ ཙོབོ་ ཡི་ཤུའི་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ ཨ་ཧོ་ལ་ འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུ་ནི་ སྤང་པོ་རྒུ་ནི་ རྒྱུའི་ ཆ་ནོག་།
ཆོའེ་ལ་ ཁེ་སྤ་རྒུ་ནི་ རྡེན་ཤེ་ནོག་, པ་འུ་ལུའི་ འི་ ཆག་འབྲི་འབོ་ ཀོ་རིན་ཐི་ རྒྱལ་སེ་ན་ ཡོད་ཟ་ནི་, ནམ་ སེ་ལེ་ རྡང་ ཏི་མོ་ཐི་ ཉ་ཧ་ ཐེ་ས་ལོ་ནི་ཀ་པ་རྒུན་ལ་ ཆག་འབྲི་ ཏང་པོ་འབོ་ ཁྱེར་རྡེ་ ལོག་ཏེ་ ལེབ་ཏེ་ ལྟིང་ནི་ འབྲི་ཛེད་ཏེ་ ནོག་། ཁོང་ངེ་ འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཅུར་རྒུ་ནི་ ཉི་ཤུའི་ ཉེ་ཁོར་ལ་ འབྲི་ཛེད་ཏེ་ ནོག་།
པ་འུ་ལུའི་ ཐེ་ས་ལོ་ནི་ཀེ་ན་ ཡོ་ཀ་ནེ་ མ་ཤི་ཀ་པ་རྒུན་ལ་, འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་:
ཏང་པོ་, ཁོང་རྒུན་ ཏེཏ་པ་, ཤེ་སྤ་ རྡང་ ཟོད་པེ་ན་ ལྡན་ཀན་འབེ་ཕི་ ཀོན་འཇོག་ལ་ ཐུག་ཞེ་ཆེ་ ཞུ་འིན་ ཟེར་རྡེ་ སེམ་རུའི་ ཏང་ཅེ་།
ཉི་སྤ་, མ་ཤི་ཀ་ ལོག་ཏེ་ རྐྱོད་ཟ་ནི་, ཁོང་རྒུན་ལ་ ནག་པར་རྡོ་རྒུ་ནི་ཀ་ནི་ ཐར་པ་ ཡང་ ཏེཏ་པ་ མེ་ཀན་རྒུན་ལ་ ཁྲིམ་ཅེད་ ཁྱོང་ངེ་ ཛེད་ཅེ་རྦོ་ ཤེད་ཅེ་།
སུམ་པ་, མ་ཤི་ཀ་ ལོག་ཏེ་ རྐྱོད་ ཚར་རྡེ་ ནོག་ ཟེར་ཧ་ནེ་ འུ་ཡ་རྦོ་ ཟུན་ ནོག་ ཟེར་རྡེ་ ཤེད་ཅེ་།
ཞི་པ་, ཁོང་ངེ་ ལབ་ཞ་རྒུན་ ཁོ་རང་ངེ་ ཤེད་ཏེ་ ཡང་ ཆག་འབྲི་ འབྲི་རྡེ་ འིན་འགྲོ་ ཏོ་རྒུན་ལ་ ཁ་ཉེན་ཅེ་ཕི་ སེམ་རུའི་ ཏང་ཅེ་།
ང་པ་, ཁ་ མ་ཉེན་ཀན་རྒུན་ ཀ་ཟུག་ལ་ རྐྱོང་ངེན་ ཏོ་རྦེ་ ཧོར་ལ་ ལབ་ཞ་ ཏང་ཅེ་༎