ཀོ་ལོ་སི་ ཆོའེ་ཚོག་ལ་ པ་འུ་ལུའི་ ཆག་འབྲི་།
ཀོ་ལོ་སི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་རྦོ་ ཙོབོ་ ཡི་ཤུ་ མ་ཤི་ཀེ་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ རྒྱུའི་ ཆ་ནོག་།
ཨ་ཧོ་རྒུན་ལ་ ཆོའེ་རྡེ་ ཁེ་སྤ་རྒུན་ རྒྱུད་ཏེ་ འི་ ཆག་འབྲི་རྦོ་, ཡི་ཤུ་ ཀྲོང་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སེབ་ཏུན་ནེ་ ཉེ་ཁོར་ལ་ འབྲི་ཛེད་ཀན་འབོ་ རྒྱུའི་ ཆ་ནོག་། འི་རྦོ་ རོམ་མེ་ན་ པ་འུ་ལུ་ ཏང་པོ་རང་ ཙོན་ལ་ ཧར་རྡེ་ ཡོད་ཏུའི་ འབྲི་ཛེད་ཏེ་ འིན་ཀན་འབོ་ ས་མེ་ནོག་།
ཀོ་ལོ་སི་ ཆོའེ་ཚོག་རྒེ་ན་ ཏེཏ་པ་ཅན་རྒུ་ནི་ ཕྲོ་ འགི་རིག་ ཏང་ ཡ་ཧུ་འདཱ་པ་ འདྲེའེ་ཧ་ནེ་ ཟུའི་མེ་ ལབ་ཞ་རྒུན་ ཆ་ཅེ་ཀ་ནི་, པ་འུ་ལུའི་ འི་ ཆག་འབྲི་རྦོ་ འབྲི་ ཛེད་། ཁོང་ངེ་ འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་:
ཏང་པོ་, ཁོང་ངེ་ ཀོ་ལོ་སི་ ཏེཏ་པ་ཅན་རྒུན་ ཏེཏ་པེ་ན་ ལྡན་ཅུག་ཅེ་ འདོད་པ་།
ཉི་སྤ་, མ་ཤི་ཀ་ ཚང་མེ་སང་ ཝང་སྲུལ་པ་ འཇིག་སྤོ་ འིན་ཀན་ འདང་ ཁོང་ངེ་ ཛམ་ལིང་ངེ་ན་ ཡོ་ཀན་ ཚང་མ་ རྡང་ ཆོའེ་ཚོག་རྒེ་ཀ་ ཝང་སྲུལ་ལེ་ ཛེད་ཀན་འབོ་ ལབ་ཅེ་།
སུམ་པ་, ཤོད་པ་ ངན་པ་ རྡང་ ཟུའི་མེ་ ལབ་ཞ་རྒུ་ནི་ སྤང་པུད་ཅེ་།
ཞི་པ་, ཏམ་པ་ མི་ཙེ་ཞིག་ པུད་ཅེ་ན་ སེམ་རུའི་ ཏང་ཅེ་༎