ཕི་ལི་པི་ ཆོའེ་ཚོག་ལ་ པ་འུ་ལུའི་ ཆག་འབྲི་།
ཕི་ལི་པི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་ ཨ་ཧོ་ལ་ འི་ ཆག་འབྲི་རྦོ་ ཙོབོ་ ཡི་ཤུའི་ ཧུ་ཚབ་ པ་འུ་ལུའི་ ཕི་ལི་པི་ ཆོའེ་ཚོག་ལ་ འབྲི་ཛེད་ཀན་འབོ་ རྒྱུའི་ ཆ་ནོག་།
ཆོའེ་ལ་ ཁེ་སྤ་རྒུ་ནི་, འི་ ཆག་འབྲི་རྦོ་ ཡི་ཤུ་ ཀྲོང་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སེབ་རྡུན་ ཉེ་ཁོར་ལ་ ནམ་ པ་འུ་ལུ་ རོམ་མེ་ན་ ཏང་པོ་རང་ ཙོན་ནེ་ན་ ཡོད་ཏུའི་ འབྲི་ ཛེད་ཀག་ ཟེ་རེ་ནོག་།
པ་འུ་ལུའི་ ཕི་ལིབ་རྦེ་ ཆོའེ་ཚོག་ལ་ འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་:
ཏང་པོ་, པ་འུ་ལུ་ ཙོན་ལ་ ཡོད་ཅེ་ ཧོ་རེ་ ཚེར་ཧེ་ན་ ཏེཏ་པ་ཅན་རྒུ་ནི་ པུད་ཅེ་།
ཉི་སྤ་, ཆོའེ་ཚོག་རྒེ་ན་ པོ་ མང་པོ་ པུད་ཏེ་ ཡོད་པེན་, ཡང་ པ་འུ་ལུའི་ ཁོང་རྒུན་ལ་ པབ་མོ་ འགྱུར་རྡེ་ ཅིག་འགྲིལ་ ཆ་ཅེ་ལ་ སེམ་རུའི་ སལ་།
སུམ་པ་, ཨེ་པབ་ཕོ་རོ་ཏི་ཏུ་ལ་ ཟུར་མོ་ ཡོད་ཏུའི་ ཡང་ རྒྱལ་རྡེ་ ལྟིང་ནི་ སོང་ཀན་ ཚང་མ་ ཧ་ཀོ་ཅུག་ཅེ་།
ཞི་པ་, ཁོང་རྒུན་ལ་ ཏེཏ་པ་ཅེན་ནི་ ཡ་ཧུ་འདཱ་པ་ ཁྲིམ་ལ་ ལྟེན་ཀ་ནེ་ ལབ་ཞ་རྒུན་ མི་ཉེན་ཅེ་ལ་ སྤང་པུད་ཅེ་།
ང་པ་, ཁོང་ངེ་ ཏེཏ་པ་ཅན་རྒུན་ལ་ ཨ་ཧོའེ་ ཉིང་ འདང་ སམ་བ་རྒུན་ལ་ ཞིའི་རྡེ་ སལ་ཧ་ནེ་ ཀོན་འཇོག་རྒེ་ རྡེན་འབེ་ཀ་ ལྟེན་འདེ་ འདེད་ཅེ་ལ་ སེམ་རུའི་ སལ་།
ཀྲུག་པ་, ཁོང་ལ་ ཏང་ཀ་ནེ་ མུལ་ རོག་རྒེ་ ཁོང་རྒུན་ལ་ ཐུག་ཞེ་ཆེ་ ཞུ་ཅེ་༎