ཨེ་ཕེ་སུ་ ཆོའེ་ཚོག་ལ་ པ་འུ་ལུའི་ ཆག་འབྲི་།
ཨེ་ཕེ་སུ་ ཆོའེ་ཚོག་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་རྦོ་ ཙོབོ་ ཡི་ཤུ་ མ་ཤི་ཀེ་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ རྒྱུའི་ ཆ་ནོག་།
ཨ་ཧོ་རྒུན་ལ་ ཆོའེ་ ཁེ་སྤ་རྒུན་ རྒྱུད་ཏེ་, འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སེབ་རྡུན་ནི་ ཉེ་ཁོར་ལ་ འབྲི་ཛེད་ཀན་འབོ་ རྒྱུའི་ ཆ་ནོག་། འི་རྦོ་ རོམ་མེ་ན་ ཁོང་ ཏང་པོ་རང་ ཙོན་ལ་ ཧར་རྡེ་ ཡོད་ཏུའི་ འབྲི་ཛེད་ཀན་འབོ་ ས་མེ་ནོག་།
པ་འུ་ལུའི་ འི་ ཆག་འབྲི་ འབྲི་ཅེ་ རྒྱུ་ཚན་འབོ་, ཀོན་འཇོག་རྒེ་ ཁོ་རང་ངེ་ མི་རྒུ་ནི་ཕི་ ཁོང་ངེ་ ཐ་མེད་པེ་ ཐབ་པོ་ ཨེ་ཕེ་སུ་ མ་ཤི་ཀ་པ་རྒུན་ལ་ ཧ་ཀོ་ཅེ་ལ་ ཡ་ཏོ་ ཅོའོ་ ཛེད་ཅེ་རྦོ་ འིན་འབེན་།
པ་འུ་ལུའི་ ཆོའེ་ཚོག་ལ་ ཡུ་རྒུན་ ཧ་ཀོ་ཅུག་ཅེ་ འདོད་པ་ ཡོད་པེན་:
ཏང་པོ་, ཨ་ཧོ་རྒུན་ ཨ་ཧོ་རང་ངེ་ ཕན་ཏོག་རྒེ་ཕི་ ཅིག་པོ་ མ་ནོག་, ཀོན་འཇོག་ ཁོ་རང་ལ་ རྟོད་པ་ རྡང་ སྤལ་ལེ་ཕི་ རྐྱོབ་རྦེ་ ཛེད་ཏེ་ ནོག་།
ཉི་སྤ་, ལྟིང་འཇུག་རྒེ་ ཏུའི་ལ་ ཛམ་ལིང་ངེ་ན་ སྲོག་ ཡོ་ཀན་ ཚང་མ་ མ་ཤི་ཀེ་ ཝང་ངེ་ ཡོག་ལ་ པོར་རེ་ ཛེ་རྡེན་།
སུམ་པ་, ཀོན་འཇོག་ ཉམ་པོ་ ཨ་ཧོ་རྒུ་ནི་ ཐུན་འབྲེལ་རྦོ་ ཁོང་ངེ་ ཐུག་ཞེ་ ཅོའེ་རྡེ་ ནོག་།
ཞི་པ་, ཀོན་འཇོག་རྒེ་ ཡ་ཧུ་འདཱ་པ་ རྡང་ ཡ་ཧུ་འདཱ་པ་ མན་ཀན་ ཏེཏ་པ་ཅན་རྒུ་ནི་ན་ ཐུན་འབྲེལ་ ཁྱོང་ངེ་ ཛེད་།
ང་པ་, ཨ་ཧོ་རྒུན་ ཏ་, ཟུྃ་སྤོ་ ཅིག་ ཡང་ནི་ ཆོའེ་ཚོག་ འགྱུར་རྡེ་ ནོག་, ཀ་རྦེ་ འགོ་ནི་ མ་ཤི་ཀ་ འིན་།
ཀྲུག་པ་, ཆོའེ་ཚོག་རྒེ་ན་ ཅིག་འགྲིལ་ རྡང་ ཆོའེ་ཚོག་པོ་ སམ་བ་ཅེན་ འགྱུར་ཤེ་ཕི་ ཨ་ཧོ་རྒུན་ལ་ ཀོན་འཇོག་རྒེ་ ཆོག་ནེ་ ཁྱུད་རྒུན་ ཐོབ་ཏེ་ ནོག་༎