2
ཏེ་རྒ་རྦེ་ཕི་ལ་ ངེ་, ཁྱི་ཞ་ ལེན་ ཉི་སྤ་ ཐུག་ཏེ་ ཚེར་ཧ་ རྡང་ རྡུ་ངལ་ མི་ལྟན་ཤེ་ ཐག་ཅེད་པེན་། 2 ཀལ་ཏེ་ ངེ་ ཁྱི་ཞ་རྒུན་ལ་ ཚེར་ཧ་ཡོང་ཤུག་ནི་, ཏེ་ནི་ སུའི་ ང་ ཐེད་པོ་ ཡོང་ཅུག་རྒེན་, ནེན་ཏེན་ལ་ ངེ་ ཚེར་ཧ་ ལྟན་ཀན་རྒུ་ནི་ ལྟན་མི་ཅུག་། 3 ཏེ་རྒ་རྦེ་ཕི་ལ་ ངེ་ ཁྱི་ཞ་རྒུན་ལ་ ཏེ་ ཡི་རྒེ་རྦོ་ འབྲི་རྦེན་, ཅེ་ཟེར་ནི་ ང་ ཡོང་ཟ་ནི་, ང་ རྐྱིད་པོ་ ཁྱོང་རྒོ་ཤེ་ཅེན་རྒུ་ནི་ ཚེར་ཧ་ མི་ཁྱོང་། ཁྱི་ཞ་རྒུ་ནི་ ཐེད་པེ་ ང་ ཐེད་པོ་ ཁྱོང་ཀན་འབོ་, ཁྱི་ཞ་རྒུན་ལ་ རྒྱུའི་མེ་རྡེ་? 4 ངེ་ ཏེ་ ཡི་རྒེ་རྦོ་ ཧོཔ་ ཚེར་ཧ་, ཉིང་ངེ་ན་ པར་རྡོ་ རྡང་ མིག་ཆུ་ མང་པོ་ ཉམ་པོ་ འབྲི་རྦེན་། ཚེར་ཧ་ ཡོང་ མ་ཅུག་རྒེ་, ངེ་ ཁྱི་ཞ་རྒུན་ལ་ ཙམ་ཤིག་རྒེ་ ཤེ་སྤ་ ཅོ་ཀན་འབོ་ ཧ་ཀོ་ཅུག་ཉིན་ རག་པེན་།རྡིག་པ་ ཅོ་ཀན་འབོ་ལ་ ཤག་སྤ་ ཏོང་།
5 རྡུག་པོ་ ཚང་མ་ ཆ་ཅུག་ཀ་ནེ་ མི་རྦེ་ ཁྱི་ཞ་རྒུན་ལ་ ངེ་སང་ མང་ངེ་ རྡུག་པོ་ ལྟན་འདེ་ ནོག་ ཟེར་ཟ་ནི་, ངེ་ ཨུར་ ཏྃ་རྡེ་ མན་། 6 ཁྱི་ཞ་ མང་ཆེ་ ཁོ་ ཆེད་པ་ ཏང་ཀན་འབོ་, ཁོའེ་ཕི་ ཐེད་ཐེད་ ནོག་ ཅེ་ཟེར་ནི་ ཁོའེ་ རྡིག་པ་ ཕྃ་རྡེ་ སེམ་འགྱུར་རྡེ་ ནོག་། 7 འིན་ན་ ཏ་ ཁོ་ ཤག་སྤ་ ཏྃ་རྡེ་ ཁོའེ་ སེམ་ལ་ ཞིའི་རྡེ་ ཏང་རྒོ་ཤེ་ ནོག་, ཏེ་མ་ནི་ ཁོ་ རྡུག་པེ་ ལྕིད་པོ་ ཁུར་ མི་ཉེན་། 8 ངེ་ ཁྱི་ཞ་རྒུན་ལ་ ཁོ་ ཡང་ ཤེ་སྤ་ ཅོ་ཅེ་ལ་ སེམ་རུའི་ ཏང་ངེན་ ཞུ་ཝ་ པུ་ལེ་ཡོད་། 9 ཁྱི་ཞ་རྒུ་ནི་ ངེ་ ཟེར་ཧན་ ཚང་མ་ལ་ ཁ་ ཉེན་འདུག་རྒེ་ མི་འདུག་ ལྟ་ཅེ་ཕི་ ངེ་ ཁྱི་ཞ་རྒུན་ལ་ ངུལ་ལ་ ཡི་རྒེ་ འབྲི་པིན་། 10 ཁྱི་ཞ་རྒུ་ནི་ ཏོ་ མིའུ་ལ་ ཤག་སྤ་ ཏང་ངེ་རྡང་, ངེ་ལ་ ཁོ་ ཤག་སྤ་ ཏང་ངེན་། ཡང་ ཤག་སྤ་ ཏང་རྒོ་ཤེ་རྦོ་ལ་ ཤག་སྤ་ ཏང་ཅེ་འབོ་ ངེ་ མ་ཤི་ཀེ་ ཧུ་འདུན་ལ་ ཁྱི་ཞ་རྒུ་ནི་ ཕན་ཏོག་རྒེ་ཕི་ ཅོའེན་། 11 རྡུད་རྡེ་ ཨ་ཧོའེ་ན་ ཡོ་ཀ་ནེ་ ནེ་ལུག་པེ་ ཕན་ཏོག་ མི་ནེན་ཤེ་ཕི་, ཨ་ཧོ་རྒུ་ནི་ ཏེ་ མིའུ་ལ་ ཤག་སྤ་ ཏང་རྒོ་ཤེ་ ནོག་, ཅེ་ཟེར་ནི་ ཨ་ཧོ་རྒུན་ལ་ རྡུད་རྡེ་ ཐབ་ངན་པ་རྒུན་ རྒྱུའི་ཡོད་ཏེ་ ནོག་།
12 ང་ ཏྲོ་ཡཱེ་ རྒྱལ་སེ་ན་ མ་ཤི་ཀེ་ ནེ་ཚུལ་ ཟང་པོ་ ཤེད་རྡེ་ལ་ ལེབ་རྦེ་རྡང་, ཙོབོ་ ཡི་ཤུའི་ རྒོ་ པེ་ ཛེད་ཏེ་ ང་ ཏུ་ཟུག་ ཅོ་ཅེ་ ཧབ་ སལ་། 13 འིན་ན་ ངེ་ སེམ་མེ་ན་ ཞིའི་རྡེ་ མེ་རག་པེན་, ཅེ་ཟེར་ནི་ ངེ་ སྤུན་ ཏི་ཏུའི་ ཁྱི་ཞ་རྒུ་ནི་ཀ་ནི་ ཁྲིན་རྒུན་ ཁུར་རྡེ་ ཏ་རུང་ཚུག་པ་ མ་ལེབ་པེ་ ངེ་ ཏྲོ་ཡཱེ་པ་རྒུན་ལ་ འཇུ་ ཞུའི་ཏེ་ ཁོ་ ཙ་ལེ་ལ་ མ་ཀེ་འདོ་ནི་ཡཱེ་ རྒྱལ་ས་ སོང་འབེན་།
ཆེཏ་ཏོན་ སོ་མེ་ ཞབ་རྟོག་པ་རྒུན་།
14 འིན་ན་ ངེ་ ཀོན་འཇོག་ལ་ ཐུག་ཞེ་ཆེ་ ཞུའིན་། ཁོང་ནི་, ང་ཞ་རྒུན་ལ་ ཆེད་མེད་ལ་ མ་ཤི་ཀེ་ རྒྱལ་ཁ་ ཐོབ་ཀ་ནེ་ ཁྲོམ་ཧོར་རེ་ན་ འགོ་ཁྲིད་ ཛེད་ཀན་འབོ་ ཞུ་རྡེ་ནོག་a། ཏ་ ཏག་ས་ ཁོང་ངེ་ ང་ཞ་རྒུན་ མ་ཤི་ཀ་ ཤེ་ཀ་ནེ་ ཏྲི་ཞིམ་འབོ་, སྤེལ་ཤེ་ལ་ ཀོལ་ལེ་ ཛེད་ཏེ་ ནོག་། 15 ཅེ་ཟེར་ནི་ ང་ཞ་རྒུན་ མ་ཤི་ཀེ་ ཀོན་འཇོག་ལ་ པུ་ལེ་ ཛེད་ཀ་ནེ་ ཏྲི་ཞིམ་ཅེན་ནེ་ སྤོའེ་ ཙོག་སེ་ ནོག་། འིན་ན་ རྐྱོབ་རྦེ་ ཛེད་ཅེ་ཅེན་རྒུ་ནི་ ཏེ་ ཏྲི་ཞིམ་འབོ་ ལྟོང་ཤེ་ཅན་ནེ་ ལམ་མེ་ཀ་ འགྲུལ་ཧན་རྒུ་ནི་སང་ སོ་སོ་ རིག་ ཚོར་རེ་ནོག་། 16 ཁ་ཅིག་རྒེ་ ང་ཞ་ ཤི་ཀ་ནེ་ ཏྲི་མ་, འིན་ན་ ཞེན་རྒུ་ནི་ སྲོག་ སལ་ཧ་ནེ་ ཏྲི་ཞིམ་ ཙོག་སེ་ ཚོར་རེ་ནོག་། ཏོ་ཙོག་སེ་ ལེ་ཧ་ ཁག་ཅེན་ ཅོ་ཅེ་ ཁྱུད་ སུ་ ཡོ་ཀག་?
17 ཁྱི་ཞ་རྒུ་ནི་ ལྟོའེ་རྡང་, ང་ཞ་རྒུན་ ཕན་ཏོག་རྡེ་ཕི་ ཆོའེ་ཤེད་ཀ་ནེ་ ཏེ་ རྐྱོན་འཇེན་ མི་རྒུན་ ཙོག་སེ་ མན་ཧེ་། འིན་ན་ ཀོན་འཇོག་རྒེ་ ཀ་ལེ་ ཛེད་ཀན་ འདང་ ཁོང་ངེ་ ཟིག་རྡེན་ ཡོ་ཀན་འབོ་ རྒྱུའི་ཡོ་ཀ་ནེ་ མི་རྒུན་ ཙོག་སེ་, མ་ཤི་ཀེ་ ཝང་ངེ་ན་, ང་ཞི་ སེམ་ ཟང་པོ་ ཉམ་པོ་ ཆོའེ་ཤེད་རྡེ་ཡོད་།