ཀོ་རིན་ཐི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཏང་པོ་།
ཀོ་རིན་ཐི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་རྦོ་ ཙོབོ་ ཡི་ཤུ་ མ་ཤི་ཀེ་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ རྒྱུའི་ ཆ་ནོག་།
ཆོའེ་ལ་ ཁེ་སྤ་རྒུན་ རྒྱུད་ཏེ་, འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སག་ཉི་ ཉེ་ཁོར་ལ་ འབྲི་ཛེད་ཀན་འབོ་ ཨ་ཧོ་རྒུན་ལ་ རྒྱུའི་ ཆ་ནོག་། འི་ ཆག་འབྲི་རྦོ་ ཁོང་ངེ་ ཨེ་ཕེ་སུའི་ན་ ཡོད་ཏུའི་ འབྲི་ཛེད་ཏེ་ ནོག་།
པ་འུ་ལུའི་ འི་ ཆག་འབྲི་ན་ ཀོ་རིན་ཐི་ མ་ཤི་ཀ་པ་རྒུ་ནི་ ཏེཏ་པ་ རྡང་ མི་ཙེ་ པུད་ཅེ་ ཧོར་ལ་ ཏྲི་ཝ་ འདྲི་ཀན་རྒུན་ལ་ ལེན་ཏྃ་ཅེ་ མ་ཚེད་, ཁོང་རྒུ་ནི་ ཆོའེ་ཚོག་རྒེ་ན་ ཆེན་ ཡོ་ཀ་ནེ་ ནོར་ཁྲུལ་རྒུ་ནི་ ཧོར་ལ་, རྐྱོ་མོ་ཅེན་ནེ་ ནེ་ཚུལ་ ཚོར་ཤེ་རྦོ་ འབྲི་ ཛེད་། ཏོ་རྒུན་:
ཏང་པོ་, ཆོའེ་ཆོག་རྒེ་ན་, ཁག་ པུད་ཏེ་ འུ་རྐྱོང་ སོ་སོའེ་ རྒྱབ་ནི་ འགྲུལ་ཤེ་, ཁྲུག་པ་, ལུའི་འབྲེལ་ ངན་པེ་ ཤོད་པ་ ལུའི་ཤུག་ཏེ་ ཡོ་ཀན་ ཚང་མ་ མེ་ཀན་ ཅོ་ཅེ་;
ཉི་སྤ་, པག་རྟོན་ ཅོ་ཅེ་ ཡང་ མ་ཅོ་ལ་ འདེད་ཅེ་ ཉ་ཧེ་ ནང་ནི་ ཀའོ་ རྒྱ་ལེ་ འིན་ ཏོ་རྦེ་ ཧོར་ལ་ ལབ་རྦེ་ ཛེད་ཅེ་;
སུམ་པ་, ཁོང་ངེ་ ཨ་ཧོ་རྒུན་ལ་ མ་ཤི་ཀེ་ན་ ར་ཝང་ ཡོད་ཅེའོ་ ལབ་རྦེ་ ཛེད་། འིན་ན་ ཨ་ཧོ་རྒུ་ནི་ ཅི་ཞིག་ ཅོ་ནྃ་ ཞེན་མ་ མ་ཤི་ཀ་པ་རྒུ་ནི་ ཕན་ཏོག་རྡེ་ཕི་, ཤེ་སྤེ་ན་, ཅོ་རྒོའེ་ ཀ་རྦེ་ ཁོང་རྒུན་ལ་ ཁོ་རང་ངེ་ ཏེཏ་པེ་ན་ རྒག་ཕུག་ མི་ཅུག་;
ཞི་པ་, ཧུ་འདྲ་རྒུན་ལ་ ཆོད་པ་ པུལ་ཧ་ནེ་ ཁར་ཞི་ ཟ་ཅེ་རྦོ་ ཆོག་ཏེ་ འིན་ནེ་ མན་ ཏོ་རྦེ་ ཧོར་ལ་ ལབ་རྦེ་ ཛེད་ཅེ་;
ང་པ་, ཆོའེ་ཚོག་ལ་ སལ་ལེ་ ཛེད་ཀ་ནེ་ ཁྱུད་རྒུན་ ཡང་ ཏེ་ནང་ནི་ ཀའོ་རྒུན་ ཆོའེ་ཚོག་ ལྡན་ཅེ་ཕི་ ཁག་ཅེན་ འིན་ ཏོ་རྦེ་ ཧོར་ལ་ ལབ་རྦེ་ ཛེད་ཅེ་;
ཀྲུག་པ་, ཤི་རྡེ་ སོན་པོ་ ལང་ངེ་ ཛེད་ཅེ་ ཡང་ ཨ་ཧོ་རྒུ་ནི་ ཟུྃ་སྤོ་ སོ་མ་རྦོ་ ཀ་ཟུག་ཤིག་ ཡོང་ངེན་ ཏོ་རྦེ་ ཧོར་ ལབ་རྦེ་ ཛེད་ཅེ་;
རྡུན་པ་, མ་ཀེ་འདོ་ནི་ཡཱེ་ ཆོའེ་ཚོག་རྒུན་ལ་ ཐུག་ཏེ་ ལྟིང་ནི་, ཀོ་རིན་ཐི་ ཆོའེ་ཚོག་ལ་ ཡང་ ཐུག་རྒེ་ལ་ ཡོང་ཅེ་ ཐབ་རྒུན་ ཤེད་རྡེ་ ཛེད་ཅེ་༎