ཀོ་རིན་ཐི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཉི་སྤ་།
ཀོ་རིན་ཐི་ ཆོའེ་ཚོག་ལ་ པ་འུ་ལུའི་ ཆག་འབྲི་ ཧོར་།
འི་ ཆག་འབྲི་ རྡང་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུན་ རྒྱུད་ཏེ་, ཨ་ཧོ་ལ་ འི་ ཆག་འབྲི་རྦོ་ ཙོབོ་ ཡི་ཤུ་ མ་ཤི་ཀེ་ ཧུ་ཚབ་ པ་འུ་ལུའི་ འབྲི་ཛེད་ཀན་འབོ་ རྒྱུའི་ ཆ་ནོག་།
འི་ ཆག་འབྲི་རྦོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་སག་ཉི་ ཉེ་ཁོར་ལ་ འབྲི་ཛེད་ཀན་འབོ་ ཨ་ཧོ་རྒུན་ལ་ ཆོའེ་ལ་ ཁེ་སྤ་རྒུན་ རྒྱུད་ཏེ་ རྒྱུའི་ ཆ་ནོག་། འི་ ཆག་འབྲི་རྦོ་, པ་འུ་ལུའི་ མ་ཀེ་འདོ་ནི་ཡཱེ་ན་ ཡོད་ཏུའི་ འབྲི་ཛེད་ཏེ་ ནོག་།
པ་འུ་ལུ་ འབྲི་ཀ་ནེ་ ཏང་པོ་ ཀོ་རིན་ཐི་ ཆག་འབྲི་ན་ ཏེཏ་པ་ཅན་རྒུན་ ཀ་ཟུག་ལ་ ཁ་ཉེན་, ཏོ་ རྒྱུའི་ ཆ་ཅེ་ཕི་ པ་འུ་ལུ་ལ་ འདོད་པ་ ཡོད་པེན་། ཏེ་ཕི་ ཏི་ཏུ་ལ་ ཐུག་རྒེ་ལ་ མ་ཀེ་འདོ་ནི་ཡཱ་ སོང་། ཏུ་རུ་ ཏི་ཏུ་ ཀོ་རིན་ཐི་ ཏེཏ་པ་ཅན་ ཧོར་ལ་ ཁྲིན་འབོ་ པ་འུ་ལུ་ ལོག་ལ་ ཁྱོྃ་། ཏེ་རྒ་རྦེ་ཕི་ པ་འུ་ལུའི་ འི་ ཆག་འབྲི་རྦོ་ འབྲི་ ཛེད་, འིན་ན་
ཏང་པོ་, ཀོ་རིན་ཐི་ལ་ ལོག་ཏེ་ ཡོང་ཅེ་ ཐབ་རྦེ་ན་ ཅི་ཕི་ འགྱུར་ཞ་ ཁྱོང་ཀན་འབོ་ ཧ་ཀོ་ཅུག་རྒེ་ ཛེད་ཅེ་;
ཉི་སྤ་, ཁོང་རྒུ་ནི་ ཆེད་པ་ ཅེད་ཀན་, ཏེཏ་པ་ཅེན་ རྡིག་པ་ ཅོ་ཀན་འབོ་ ཉམ་པོ་ ཐུན་འབྲེལ་ ཅོ་ཅེ་ལ་ ཞུ་ཝ་ ཞུ་ཅེ་;
སུམ་པ་, ཟུའི་མ་ ལོབ་སྤོན་རྒུ་ནི་ སྤུང་འགོལ་ནི་ ཁོང་ངེ་ ཆག་ལེ་རྒུན་ རྐྱོབ་རྦེ་ ཛེད་ཅེ་;
ཞི་པ་, ཡེ་རུ་ཤ་ལེམ་མེ་ན་ ཡོ་ཀ་ནེ་ ཆོའེ་ཚོག་རྒུ་ནི་ཕི་ རོག་རྒེ་ མུལ་ ཁ་ཅེད་ ཅོ་ཀན་འབོ་ འདྲན་འདྲ་ ཀྲུཔ་ཅུག་ཅེ་ལ་ སེམ་རུའི་ སལ་ཅེ་;
ང་པ་, ཀོ་རིན་ཐི་ན་ ཡོ་ཀ་ནེ་ ཟུའི་མེ་ ཧུ་ཚབ་རྒུ་ནི་ ཟེར་ཧ་ནེ་ རྒྱཔ་འགལ་ལ་, པ་འུ་ལུ་ མ་ཤི་ཀེ་ ཧུ་ཚབ་ འིན་ཀ་ནེ་ ཝང་ཆའོ་ ཆོའེ་ཚོག་ལ་ ལྟན་ཅེ་༎