Naa ricá luáꞌ lii
Guendaruundaꞌ diidxaguieꞌ bicaa David.
141
Lii rucaaꞌ ridxi, Tata Diuxi: ¡gudáꞌ guiuba!,¡bicaadiaga naa ora cuidxeꞌ lii!
2 Ndaayaꞌ xtinneꞌ gácani casi guꞌxhubidóꞌ neza luluꞌ,
ne ora gundapenayáꞌ, gácani casi ti xindxaa huadxí.
3 Tata Diuxi, bitaaguꞌ ruaaꞌ diꞌ;
ne biiyaꞌ naa ora guxhaleꞌ ruaaꞌ diꞌ.
4 Bixheleꞌ xpiaaneꞌ de ni nadxabaꞌ;
biiyaꞌ naa tí cadi guneꞌ ni cadi jneza,
ne cadi cueꞌ lu xmexa ca ni qué guiquiiñe.
5 Pabiáꞌ sicarú nga chuꞌ ti binni nayá ladxidóꞌ gusabanáꞌ naa,
ca diidxaꞌ gábibe naa zedagaca cani casi ti xinaxhi nadá.
Naa qué zudxieeꞌ diaꞌ xtiidxabe;
neca cusabanabe naa, naa cayuundaꞌ ndaayaꞌ.
6 Ca xaique xtiꞌ ca ni qué guiquiiñe ziábacaꞌ ruaa bandaa,
ne zuuyacabe pabiáꞌ nanaxhi nga ca xtiidxaꞌ.
7 Ca dxitaladicabe zareeche cueꞌ baꞌ,
sica raca ora cachézacabe layú.
8 Tata Diuxi, Tata Diuxi, naa ricá luáꞌ lii.
Ra nuuluꞌ ruyubeꞌ guilaꞌyaꞌ: cadi gusaanuꞌ naa stubeꞌ.
9 Biiyaꞌ naa cadi guiabaꞌ lu xaléꞌ gudíxhecabe;
ne bilá naa cadi guiabaꞌ lu náꞌ ca ni qué guiquiiñe.
10 Laaca laacabe guiábacabe lu xaléꞌ xtícabe,
laga naa sayaꞌ niruaꞌ.