Ra rinábacabe Diuxi gacané laacabe
Ni gudixhe xaique xtiꞌ ca binni ruundaꞌ. Guendaruundaꞌ diidxaguieꞌ bicaa David.
140
Tata Diuxi, bixhaleꞌ naa de ca binni nadxabaꞌ;bilá naa lu náꞌ ca ni rucaalú binni,
2 ca ni ricá ique guni guedanadxabaꞌ
ne gatigá ruyubi tinde.
3 Lúdxicaꞌ naduxhuꞌ, casi ludxi beendaꞌ;
ne xtiidxacaꞌ naca casi nisa xhínnime.
4 Tata Diuxi, bilá naa lu náꞌ ca binni nadxabaꞌ,
bilá naa lu náꞌ ca ni rucaalú binni,
ca ni cá ique gusaba naa.
5 Ca ni ruchá bi yanni ca gudixhecaꞌ naa ti xaléꞌ;
nuucaꞌ gusábacaꞌ naa lu guixhe ne xtoocaꞌ;
lu guidubi ruaa neza nexheꞌ xtoocaꞌ.
6 Naa maꞌ gudxeꞌ Tata Diuxi:
«Lii nga Diuxi ni bizáꞌ naa;
¡bicaadiaga laꞌ, ridxiruunaꞌ xtinneꞌ!
7 Tata Diuxi, Tata Diuxi, ni nandxóꞌ ne rulá naa,
lii rulaluꞌ iqueꞌ lu guendaridinde.»
8-9 Tata Diuxi, cadi guꞌnuꞌ ni ná ladxidóꞌ ca ni nadxabaꞌ;
bicueeza dxiiñaꞌ ni cá íquecabe gúnicabe.
Ca ni nutaaguꞌ naa rindisa íquecaꞌ;
¡lugiácabe guiaba ca dí ni caguucabe!
10 Guiaba buu ca gui luguiácabe;
guilácabe ndaaniꞌ bizé ra qué chuꞌ dxi guireecabe.
11 Biiyaꞌ cadi guicaa xcú binni rusiguii ndaaniꞌ guidxilayú riꞌ;
sá nanda guendanadxabaꞌ ca ni rucaalú binni ne guni dé laacabe.
12 Naa nannadxiꞌcheꞌ piaꞌ Tata Diuxi rúnibe jneza ne ca binni chibáꞌ
ne ruzuhuaabe lu xtiidxaꞌ ca ni nuu xizaa.
13 Ca binni nachaꞌhuiꞌ zusisácacaꞌ láluꞌ;
¡ca binni runi jneza zabánicaꞌ ra nuuluꞌ!