Guendaranaxhii xtiꞌ Diuxi luguiáꞌ Israel qué zará
136
Lagudii xquixe Tata Diuxi, ti nachaꞌhuibe,tí xquendaranaxhiibe qué zará.
2 Lagudii xquixe Diuxi xtiꞌ ca bidóꞌ,
tí xquendaranaxhiibe qué zará.
3 Lagudii xquixe Tata Diuxi xtiꞌ ca binni risaca,
tí xquendaranaxhiibe qué zará.
4 Laabe nácabe tobi lucha ni runi guendaridxagayaa nandxóꞌ,
tí xquendaranaxhiibe qué zará.
5 Laabe bizaꞌbe ca guibáꞌ ne guendabiaaniꞌ,
tí xquendaranaxhiibe qué zará.
6 Laabe gudíxhebe guidxilayú luguiáꞌ ca nisa,
tí xquendaranaxhiibe qué zará.
7 Laabe bizaꞌbe gubidxa ne beeu,
tí xquendaranaxhiibe qué zará;
8 bizaꞌbe gubidxa, ni guzaaniꞌ ridxíꞌ,
tí xquendaranaxhiibe qué zará;
9 bizaꞌbe beeu ne beleguí tí guzaaniꞌ huaxhinni,
tí xquendaranaxhiibe qué zará.
10 Laabe biitibe ca baꞌduꞌ lugola xtiꞌ ca egipcio,
tí xquendaranaxhiibe qué zará.
11 Laabe guleebe ca israelita de guidxi Egipto,
tí xquendaranaxhiibe qué zará;
12 laabe bisigaa nabe ne ti stipa roꞌ,
tí xquendaranaxhiibe qué zará.
13 Laabe gundaabe nisadóꞌ xiñáꞌ chupa galaa,
tí xquendaranaxhiibe qué zará.
14 Laabe bitiidibe ca binni Israel galahuiꞌ nisadóꞌ,
tí xquendaranaxhiibe qué zará.
15 Laabe bindaahuabe Faraón ne xpinni ndaaniꞌ nisadóꞌ xiñáꞌ,
tí xquendaranaxhiibe qué zará.
16 Laabe yenebe ca xpínnibe neza lu layú dachi,
ti xquendaranaxhiibe qué zará.
17 Laabe bitinátibe stale xaique roꞌ,
tí xquendaranaxhiibe qué zará.
18 Laabe biitibe stale xaique roꞌ,
tí xquendaranaxhiibe qué zará.
19 Biitibe Sihón, xaique xtiꞌ ca amorreu,
tí xquendaranaxhiibe qué zará;
20 biitibe Og, xaique xtiꞌ Basán,
tí xquendaranaxhiibe qué zará.
21 Ne gudiizibe layú xtiꞌ ca xaique ca,
tí xquendaranaxhiibe qué zará,
22 ne bisigáꞌdebe ni Israel ni runi xhiiñabe,
tí xquendaranaxhiibe qué zará.
23 Laabe bietenaláꞌdxibe laanu dxi maꞌ néxhenu layú,
tí xquendaranaxhiibe qué zará.
24 Laabe rulabe laanu lu náꞌ ca ni nanalaꞌdxiꞌ laanu,
tí xquendaranaxhiibe qué zará.
25 Laabe ruyaanabe binni ne maniꞌ,
tí xquendaranaxhiibe qué zará.
26 ¡Lagudii xquixe Diuxi xtiꞌ guibáꞌ,
tí xquendaranaxhiibe qué zará!