Ca ndaayaꞌ xtiꞌ Tata Diuxi
Diidxariuundaꞌ rusisacanécabe Diuxi ra ziguiꞌbacabe.
128
Aque nayecheluꞌ lii, ni rusisácaluꞌ Tata Diuxine ruzuubaluꞌ xtiidxaꞌ.
2 Zoloꞌ ni cuee ndu xhiiñaluꞌ,
zabanuꞌ nayecheꞌ ne zácaluꞌ nazaaca.
3 Ndaaniꞌ lídxiluꞌ,
xheelaluꞌ zedagaca casi ti lubaꞌ ni nuáꞌ stale uva;
ca xiiñuꞌ, ca ni zuba ruaa mexaꞌ xtiuꞌ,
zedagacacaꞌ casi biitu xtiꞌ yaga olivu.
4 Zacá nga ruguu Tata Diuxi ndaayaꞌ ca binni ni rusisaca laa.
5 ¡Dede lu dani Sión nga cuꞌ Tata Diuxi ndaayaꞌ lii!
¡Tí ganda gúꞌyaluꞌ guendanazaaca xtiꞌ Jerusalén
biaꞌ dxi nabániluꞌ!
6 ¡Ne zacá ganda gúꞌyaluꞌ ca xhiágaluꞌ!
¡Rinábadu gata dxí ladxidóꞌ Israel!