Tata Diuxi rulá
Diidxariuundaꞌ rusisacanécabe Diuxi ra ziguiꞌbacabe.
129
Gudideꞌ stale xizaadede dxi nahuiineꞌ
—guiníꞌ Israel ni yanna—,
2 gudideꞌ stale xizaa
dede dxi nahuiineꞌ,
peru qué huayanda quixhetáꞌcani naa.
3 Gudiñenécabe naa doo, bininácabe decheꞌ,
dede bixhaleꞌ ndágacabe ni,
4 peru Tata Diuxi, runi jneza,
bilá naa lu náꞌ ca binni nadxabaꞌ que.
5 ¡Gusutuícabe lucaꞌ ne guiládxicabe
ca ni nanalaꞌdxiꞌ Sión!
6 ¡Gácacabe casi guixiyaa rindani ique yoo,
caꞌruꞌ lica igá ribidxi!
7 Guixiyaa ni qué ruchá náꞌ
ca ni cabee guela ne cundiibi ni;
8 gácacabe casi guixiyaa, ora tidiꞌ tuuxa cuéꞌcabe qué zaníꞌ:
«¡Guluu ndaayaꞌ Tata Diuxi laacabe!»
Laadu riguꞌdu ndaayaꞌ laatu
ne lá Tata Diuxi.