Guiráꞌ ni zá de Tata Diuxi
Diidxariuundaꞌ rusisacanécabe Diuxi ra ziguiꞌbacabe. Ni bicaa Salomón.
127
Pa Tata Diuxi qué gucuí ti yoo,abatiꞌ zaquiiñeꞌ xhiiñaꞌ ca ni rucuí yoo;
pa Tata Diuxi qué gapaꞌ ti guidxi,
abatiꞌ zaquiiñeꞌ xhiiñaꞌ ca ni rapa guidxi.
2 Abatiꞌ zaquiiñeꞌ miatiꞌ guni dxiiñaꞌ dede ra guindani ne guiaaziꞌ gubidxa
tí ganda gó ti gueta biree lu dxiiñaꞌ naná xtiꞌ,
pa Diuxi cudii ni ca xhamigu laga nisiaasicaꞌ.
3 Ca xiiñinu
nácacaꞌ ndaayaꞌ xtiꞌ Diuxi.
4 Ca xiiñinu ni rale dxi nahuíꞌninu
zedagacacaꞌ casi bazandíꞌ lu náꞌ binni ridinde.
5 ¡Pabiáꞌ nayecheꞌ nga binni napa stale bazandíꞌ diꞌ yaꞌ!
Ca ni qué racalaꞌdxiꞌ laacabe qué zanda diꞌ gusutuí lúcabe
dxi guzuhuaacabe neza lú ca xaique diidxaꞌ.