Tata Diuxi nga rapa lii
Diidxariuundaꞌ rusisacanécabe Diuxi ra ziguiꞌbacabe.
121
Ora ruuyadxiéꞌ ca dani rinaba diidxaꞌ laca naa:«Pa neza ndiꞌ gueeda tu gacané naa.»
2 Tata Diuxi nga gacané naa,
ni bizáꞌ guibáꞌ ne guidxilayú.
3 ¡Laabe qué zanádibe guireechuiꞌ ñeeluꞌ!
¡Qué ziuu dxi gasiꞌ ni cayapa lii!
4 Coꞌ, laabe qué rásibe;
qué ziuu diꞌ dxi gasiꞌ ni rapa Israel.
5 Tata Diuxi nga rapa lii;
Tata Diuxi nga ni rulá lii,
laabe nga nuube cueꞌluꞌ para gacanebe lii.
6 Gubidxa qué zuniná lii ridxíꞌ,
beeu qué zuniná lii lu gueelaꞌ.
7 Tata Diuxi nga rapa lii lu guiráꞌ guendanaxoo;
ne laabe rápabe xquendanabaniluꞌ.
8 Dxi ne gueelaꞌ Tata Diuxi cayapa lii,
lu guiráꞌ neza rizaluꞌ.