Guendarusisaca Jerusalén
Diidxariuundaꞌ rusisacanécabe Diuxi ra ziguiꞌbacabe, ni bicaa David.
122
¡Aque nayecheꞌ nga riuaaꞌ ora gábicabe naa:«Chuu ndaaniꞌ yuꞌduꞌ xtiꞌ Tata Diuxi»!
2 Jerusalén,
¡maꞌ nuudu ndaaniꞌ ca ndagayoo xtiuꞌ!
3 Jerusalén, guidxi ni bicuícabe
para guidagulisaa ca binni guidxi.
4 Racá nga ridxiña ca xpinni Tata Diuxi
para gusisácacabe lábe,
casi nexheꞌ guni Israel.
5 Racá nga nuu ca ni rulidxi,
ca yoo roꞌ ra rulídxicabe ndaaniꞌ, lidxi David.
6 Laguinabaꞌ ne guidubi ladxidoꞌto:
«Gata dxí guidxi Jerusalén;
guibani dxí ca ni nadxii lii.
7 Chuꞌ dxí doꞌ ndaaniꞌ ca lindaa xtiuꞌ;
ne guibani dxí ca ni nabeza ndaaniꞌ ca yoolaꞌhuiꞌ xtiuꞌ.»
8 Yanna, runi ca bicheꞌ ne ca xhamiguaꞌ zaniéꞌ:
«Gata dxí ladxidoꞌloꞌ Jerusalén.
9 Runi yuꞌduꞌ xtiꞌ Tata Diuxi ni bizáꞌ laanu,
zuyubeꞌ gacuꞌ naguidxi ne nazaaca.»