Ndaayaꞌ ora nuu ti guendanaxoo
Diidxariuundaꞌ rusisacanécabe Diuxi ra ziguiꞌbacabe.
120
Ora nuaaꞌ xizaa, rucaaꞌ riꞌdxeꞌ Tata Diuxi,ne laabe ricábibe naa.
2 Tata Diuxi, bilá naa de ruaa ca ni rusiguii
ne de ruaa ca ni riguite binni.
3 Xii ndiꞌ cuee nduluꞌ, ludxi ni rusiguii.
4 ¡Pa cadi ti bazandíꞌ naduxhuꞌ!
¡Pa cadi ti ndaa baruusa ca gui!
5 ¡Chibaꞌ si naa, nabezaꞌ casi dxuꞌ lu layú xtiꞌ Mésec,
ne nabezaꞌ lade ca yoo lari xtiꞌ Quedar!
6 Maꞌ stale iza nga nabezaꞌ lade ca binni ni nanalaꞌdxiꞌ guibani lu dxidóꞌ;
7 ¡ora naa güeꞌ xtiidxaꞌ guendariuu dxí, laacabe ruzeetecabe guendaridinde!