Guendanayecheꞌ xtiꞌ binni nachaꞌhuiꞌ
112
¡Guisaca Diuxi!Aque nayecheꞌ nga ribani ca binni ni rusisaca Tata Diuxi
ne runi guiráꞌ ni ná xtiidxabe.
2 Ca binni zá de binni nachaꞌhuiꞌ
ziuucaꞌ ndaayaꞌ ne zácacaꞌ nandxóꞌ ndaaniꞌ guidxilayú riꞌ.
3 Ndaaniꞌ lídxicaꞌ nápacaꞌ stale bidxichi,
ne qué ziuu dxi guirá guendanachaꞌhuiꞌ xticaꞌ.
4 Ruzaaniꞌ ti biaaniꞌ lu guelacahui
para ca binni nachaꞌhuiꞌ,
ca ni riáꞌ, ca ni rilaselaꞌdxiꞌ, ca ni runi jneza.
5 Binni nachaꞌhuiꞌ rutiiñeꞌ ne guidubi ladxidóꞌ
ne runi xhiiñaꞌ nayá ne jneza;
6 ngue runi qué ziuu diꞌ dxi guiaba.
¡Ne guirutiꞌ zusiaandaꞌ laa!
7 Ne qué zuchibi diꞌ diidxaꞌ naxoo laabe;
purtiꞌ ladxidoꞌbe zuhuaa dxiichiꞌ, ne cá luni Tata Diuxi.
8 Ruxidxibe ca ni nanalaꞌdxiꞌ laabe,
tí ladxidoꞌbe nexhedxí, ne qué ridxibi.
9 Binni nachaꞌhuiꞌ rudii guna ca ni caquiiñeꞌ ni,
guendanachaꞌhuiꞌ xtibe qué ziuu diꞌ dxi guirá,
ne nadxóꞌ rindisaꞌ ique.
10 Binni nadxabaꞌ ro dí laa ora guꞌyaꞌ laabe;
dede rutulaya qué ridxela xi guni.
Guendarachelú xtiꞌ qué zabee ndu ni gastiꞌ.