Guendarusisaca ni runi Diuxi
111
¡Guisaca Diuxi!Zusisacaꞌ Tata Diuxi ne guidubi naca ladxiduáꞌ
lade guiráꞌ binni nachaꞌhuiꞌ,
ne ndaaniꞌ guidubi guidxi.
2 Naroꞌbaꞌ nga ca dxiiñaꞌ xtiꞌ Tata Diuxi,
ne ca ni nadxiini la? rucaa ique cani.
3 Sicarú nga xhiiñabe nayaꞌniꞌ dxindxi ni,
ne guiráꞌ ni huayúnibe jneza, qué ziaandaꞌ diꞌ cani.
4 Qué ziuu dxi guiaandaꞌ laanu guiráꞌ guendaridxagayaa huayúnibe.
Tata Diuxi nachaꞌhuiꞌ ne rilaselaꞌdxiꞌ;
5 laabe ruyaanabe ca ni rusisaca laabe;
¡ne reedasilú laabe ca diidxaꞌ ni guniꞌbe!
6 Biluiꞌbe ca xpínnibe guendanandxóꞌ ni bíꞌnibe,
ne bidiibe laaca ca layú xtiꞌ ca binni ni qué runibiáꞌ laabe.
7 Ca dxiiñaꞌ ni rúnibe, jneza cani, ne dxandíꞌ cani;
zanda guicá lunu xtiidxabe,
8 purtiꞌ ca xtiidxabe qué zará diꞌ cani,
ne guyáꞌ nécani, ni huandíꞌ ne ni jneza.
9 Bilabe ca xpínnibe,
ne bindiibi dxiichibe diidxaꞌ ni bitaagunebe laacaꞌ.
Diuxi nandaayaꞌ ne naduxhuꞌ.
10 Guendabiaaniꞌ ni jma guizáꞌ nga guidunaxhii Tata Diuxi;
ca ni nadxii laabe nuu xpiaanicaꞌ.
¡Diuxi zadunaxhii dxi ne gueelaꞌ!