Tata Diuxi nga rudii stipa xaique roꞌ
Guendaruundaꞌ diidxaguieꞌ bicaa David.
110
Ná Tata Diuxi rabi xaique xtinneꞌ:«Gurí neza ndigaꞌ xtinneꞌ riꞌ,
laga quixhedxiéꞌ ca ni nanalaꞌdxiꞌ lii ca
xañeeluꞌ.»
2 Dede Sión bidii Tata Diuxi lii ti dximba,
laani nga stipa xtiuꞌ.
¡Yanna, biquiichiꞌ náꞌ ca ni nanalaꞌdxiꞌ lii ca!
3 Xquídxiluꞌ nuuné lii
dede dxi gudixhedxíuꞌ ca ni nanalaꞌdxiꞌ lii.
Lu ca dani nandaayaꞌ,
ne sica gupa riaba telayú,
zaqué ribani guendanahuiiniꞌ xtiuꞌ guiráꞌ dxi.
4 Diidxaꞌ ni guníꞌ Tata Diuxi,
qué zuchaadibeni:
«Lii que zusaanuꞌ de gacuꞌ gueꞌdxeꞌa,
casi gucaꞌ Melquisedec.»
5 Tata Diuxi zuhuaa neza ndigaꞌ xtiuꞌ;
dxi laabe guidxiichibe zunitilube ca xaique roꞌ;
6 zusabanabe guiráꞌ guidxi roꞌ;
ne zucuí ndánibe gueꞌtuꞌ;
¡zandaabe íquecaꞌ lu guidubi guidxilayú!
7 Lu neza zebe zeꞌbe nisa ruaa ti guiiguꞌ huiiniꞌ,
ne nisa que zudii stipa laabe.