Gusisácanu guendanachaꞌhuiꞌ xtiꞌ Tata Diuxi
113
¡Guisaca Diuxi!Guiráꞌ ni runi xhiiñaꞌ Tata Diuxi, ¡lagusisaca lábe!
2 ¡Nandaayaꞌ gacaꞌ lá Tata Diuxi
yannadxí ne guiráꞌ dxi!
3 ¡Guisaca lá Tata Diuxi
dede ra rindani gubidxa ne dede ra riaaziꞌ!
4 Risaca Tata Diuxi luguiáꞌ guiráꞌ ca guidxi;
¡guendanandxóꞌ xtibe nuu ra jma nasoo guibáꞌ!
5 Gastiꞌ ruꞌ stobi casi Tata Diuxi ni bizáꞌ laanu,
laabe nga xaique ni nuu luguiáꞌ guibáꞌ;
6 nin ne zacá, riguudebe
ruuyadxibe guibáꞌ ne guidxilayú.
7 Tata Diuxi rindísabe ca binni chibáꞌ layú,
ne ribeebe ni nuu xagueteꞌ, ni caquiiñeꞌ laabe,
8 ne rucuibe laa lade binni risaca,
lade ca binni risaca ni nuu ndaaniꞌ xquídxibe.
9 Gunaa ni qué ñanda ñapa xiiñiꞌ
bisiéchebe laa ra maꞌ gupa xiiñiꞌ
ne maꞌ gunda gupa lidxi.
¡Guisaca Diuxi!