Diidxaꞌ bidii xaique roꞌ Diuxi
Guendaruundaꞌ diidxaguieꞌ bicaa David.
101
Tata Diuxi, naa racaladxeꞌ guundaꞌ xtiidxaꞌ guendaranaxhii ne guendaruni jneza xtiuꞌ;Tata Diuxi, naa racaladxeꞌ guundaꞌ saa xtiuꞌ;
2 naa racaladxeꞌ guibaneꞌ jneza.
Padxí gueeduꞌ ra nuaaꞌ.
Naa qué zucheediáꞌ
neca nuaaꞌ ndaaniꞌ lidxeꞌ;
3 qué ziuu dxi guicá iqueꞌ
guneꞌ guendanadxabaꞌ.
Nanaladxeꞌ ca ni rucheené Diuxi;
¡naa qué zusiguendaꞌ guidxíñacabe naa!
4 ¡Qué zacá ique diaꞌ guendanahuati;
qué racaladxeꞌ guneꞌ ni nadxabaꞌ!
5 Zusiganeꞌ ca ni nagaꞌchiꞌ
cananíꞌ ca binni dxaaga lidxi;
¡qué racaladxeꞌ diaꞌ ca ni ruchá bi yanni, ca ni nayáꞌ!
6 Zadaaguaꞌ binni nayá ladxidóꞌ,
tí cuezanécabe naa;
ne ndaaniꞌ lidxeꞌ nga zabani
binni si ni runi jneza.
7 Ndaaniꞌ lidxeꞌ qué zaguaadiáꞌ ca ni riguite binni;
¡ne neza luáꞌ la? qué zucué diaꞌ ca ni rusiguii!
8 Guiráꞌ dxi zutaaguaꞌ ruaa
guiráꞌ ca ni nadxabaꞌ ndaaniꞌ guidxi diꞌ;
¡naa zaladxeꞌ guiráꞌ ca ni qué guiquiiñe
ndaaniꞌ xquidxi Tata Diuxi!