Tata Diuxi nga bizáꞌ laanu ne nácanu xtibe
Guendaruundaꞌ diidxaguieꞌ ni gudiinécabe xquixe Diuxi.
100
¡Guiráꞌ binni guidxilayú,laguundané Tata Diuxi nayecheꞌ!
2 Ne guendanayecheꞌ laganaxhii Tata Diuxi;
¡ne ridxi naquiite lataꞌ ra nuube!
3 Laganna, Tata Diuxi nga Diuxi;
laabe bizaꞌbe laanu ne nácanu xtibe;
¡nácanu xquídxibe ne nácanu dendxuꞌ ni ró ndaaniꞌ layú xtibe!
4 Lataꞌ laguiuu ndaaniꞌ leꞌ yuꞌduꞌ xtibe ne laguidxiña ruaa xhiúꞌdube,
latané saa ra cusisácatu laabe ne nánnatu nuube.
¡Lagudii diuxquixe laabe, lacuu ndaayaꞌ lábe!
5 Purtiꞌ Tata Diuxi nachaꞌhuiꞌ;
ne guendaranaxhii xtibe qué ziuu dxi guiniti,
ne guendahuandíꞌ xtibe qué zaluxe.