¡Guendarusisaca diidxaꞌ jneza xtiꞌ Tata Diuxi!
Guendaruundaꞌ diidxaguieꞌ.
98
¡Laguundané Tata Diuxi ti saa cubi,tí laabe huayúnibe guendaridxagayaa!
¡Huaguíñebe ca ni qué racalaꞌdxiꞌ laabe
ne stipa nandxóꞌ xtibe, ne náꞌ ndaayabe!
2 Tata Diuxi biluiꞌbe xtípabe,
ne guendaruni jneza xtibe
neza lú guiráꞌ ca guidxi;
3 qué huasaanabe de ganaxhiibe ne gácabe tobi si
ne guidxi Israel.
¡Dede ra jma nariꞌniꞌ guidxilayú huyuuyaꞌ
guendanandxóꞌ xtiꞌ Diuxi xtinu!
4 Laguundané Diuxi ne guendanayecheꞌ,
laatu binni guidxilayucaꞌ;
la guxidxisá
ne laguundané laabe saa xtibe.
5 Laguundané Tata Diuxi saa nayecheꞌ ra xhidxi arpa
ne ra xhidxi guiráꞌ yagalé.
6 Laguunda ne guendanayecheꞌ neza lú Tata Diuxi, Xaique roꞌ,
ra xhidxi gueereꞌ.
7 Guindaabiꞌ nisadóꞌ ne guiráꞌ ni nuu ndaaniꞌ,
casica guidxilayú, zaqueca binni;
8 dede capanáꞌ ca guiiguꞌ;
guidaagunecaꞌ ca dani gúꞌndacaꞌ nayecheꞌ
9 neza lú Tata Diuxi,
ni zeeda gacaꞌ ni ná ndaaniꞌ guidxilayú.
Laabe zulídxibe guidxilayú
ne tobi si diidxaꞌ ne zúnibe jneza.