¡Tata Diuxi nga Xaique roꞌ!
97
¡Guiráꞌ ca guidxi xtiꞌ guidxilayú laguiecheꞌ!¡Laguiecheꞌ guiráꞌ ca layú nuu galahuiꞌ nisadóꞌ!
¡Ti Tata Diuxi nga Xaique roꞌ!
2 Nuube lade za cahui;
ni huandíꞌ ne ni jneza nuaꞌ laabe;
3 zá niru ti bele neza lube
ni ruzaaquiꞌ ca ni qué racalaꞌdxiꞌ laabe.
4 Biaaniꞌ xtibe ruzaaniꞌ guidxilayú;
¡ne guidxilayú racaditi ora guꞌyaꞌ laabe!
5 Sica riá guiꞌriꞌ riá ca dani
neza lú Tata Diuxi, ni naca xpixuaanaꞌ guidxilayú.
6 Guibáꞌ rucheeche guendanazaaca xtibe;
ne guidubi guidxilayú ruuyaꞌ xquendanandxoꞌbe.
7 Guiráꞌ ca ni ranaxhii bidóꞌ guie ne bidóꞌ yaga, ridiiñeyucaꞌ,
laaca zadiiñeyú ca ni ruchá bi yanni runi laacabe.
¡Guiráꞌ bidóꞌ riabaxibicaꞌ neza lube!
8 Ay Tata Diuxi,
Sión ne guiráꞌ guidxi xtiꞌ Judá
riéchecaꞌ ne ca xtiidxaluꞌ;
9 tí lii, Tata Diuxi ni nandxóꞌ,
dídiluꞌ lú guidxilayú ne lú guiráꞌ ca bidóꞌ.
10 Tata Diuxi nadxiibe ca ni nanalaꞌdxiꞌ guendanadxabaꞌ;
ne rápabe guendanabani xtiꞌ ca ni qué rucheené laabe;
rulabe laaca lu náꞌ ca ni qué guiquiiñe.
11 Ruzaaniꞌ biaaniꞌ neza lú binni nachaꞌhuiꞌ;
guendanayecheꞌ nuu lade binni nayá ladxidóꞌ.
12 ¡Laguiechené Tata Diuxi, binni nacháꞌhuicaꞌ,
ne lagusisaca lá ndaayabe!