¡Tata Diuxi nga Xaique!
93
¡Tata Diuxi nga Xaique!¡Dxaꞌ tipa ladxidoꞌbe ne qué riabe ni gudiibe,
ne guendanandxóꞌ naguu leꞌ laabe!
Laabe biquídxibe ñee guidxilayú tí cadi guiniibini.
2 Dede chiqué, Tata Diuxi, zuhuaa dxiichiꞌ xpánguluꞌ.
¡Lii maca nuuluꞌ!
3 Ay Tata Diuxi,
ca guiiguꞌ ca rixidxilaacaꞌ ne dede guiaꞌ ridiñentaacaꞌ;
4 huaxa lii, Tata Diuxi, ra nasoo guibáꞌ,
lii nga ni jma nandxóꞌ que ca nisa ni ridiiñentaa,
nápaluꞌ jma stipa que ridxi xtiꞌ nisadóꞌ.
5 Ay Tata Diuxi,
ca diidxaꞌ xtiuꞌ tobi lúchacani ne qué ridxaacani.
¡Guendanandaayaꞌ ruzuchaahuiꞌ lídxiluꞌ dxi ne gueelaꞌ!