Diuxi nga xaique ni jma nandxóꞌ
Guendaruundaꞌ diidxaguieꞌ bicaa Asaf.
82
Diuxi nga xaique lade ca ni cuchaaga diidxaꞌ guibáꞌ,laabe riguixhebe xi gacaꞌ lade ca xpínnibe:
2 «Tica padxí ndiꞌ ná xpiaanitu gúnitu ni cadi jneza,
ne gacanetu guiráꞌ ca ni qué guiquiiñeꞌ ca.
3 ¡Lagacané ca bizabi ne ca ni nuu nayati!
¡Lagacané ca ni chibaꞌ ne ca ni caquiiñeꞌ!
4 ¡Lagulá ca ni nayati ne ca ni chibaꞌ,
lagulá laacabe lu náꞌ ca ni qué guiquiiñe!
5 »Peru laatu qué rúnatu, qué riénetu;
canazatu lu gueelacahui.
Racaditi ñee guidxilayú.
6 Naa guniéꞌ: bidóꞌ nga laatu;
ne xiiñiꞌ Diuxidóꞌ nga laatu.
7 Yanna, zátitu casi ratiꞌ binni guidxilayú,
¡ziábatu casi riaba tutiisi binni qué guiquiiñe!»
8 ¡Ay Diuxi, biquixe diiñeꞌ xtiꞌ guidxilayú,
lii nga xpixuaanaꞌ guiráꞌ xixé guidxi!