Gudáꞌ nagueenda gacaneuꞌ naa
Ni gudixhe xaique xtiꞌ ca binni ruundaꞌ. Ni bicaa David, ti gusietenalaꞌdxiꞌ.
70
Diuxi ni bizáꞌ naa, ¡gudáꞌ gulaluꞌ naa!Tata Diuxi, ¡gudáꞌ nagueenda gacaneuꞌ naa!
2 ¡Bisituí lú
ca ni racalaꞌdxiꞌ guuti naa!
¡Guxooñeꞌ xtuí
ca ni racalaꞌdxiꞌ guniná naa.
3 ¡Guxooñeꞌ xtuí
ca ni cuxidxi naa!
4 Guiráꞌ ca ni ruyubi lii la?
guidxá tipa ladxidoꞌcaꞌ de guendanayecheꞌ;
ne ca ni rinabalaꞌdxiꞌ guendarulá xtiuꞌ la?
dxi gueelaꞌ guiniꞌcaꞌ:
«¡Nandxóꞌ nga Diuxi!»
5 Huaxa naa la? nuaaꞌ nazíꞌ ne nuaaꞌ xizaa,
Diuxi ni bizáꞌ naa, ¡gudáꞌ nagueenda gacaneuꞌ naa!
Lii nga racaneuꞌ naa ne rulaluꞌ naa;
¡cadi guindoou, Tata Diuxi!