Guiráꞌ guidxi gusisaca lii
Ni gudixhe xaique xtiꞌ ca binni ruundaꞌ, ra xhidxi ca yagalé. Guendaruundaꞌ diidxaguieꞌ ne diidxariuundaꞌ rusisacanécabe Diuxi.
67
Guilaselaꞌdxiꞌ Tata Diuxi laanu ne cuꞌ ndaayaꞌ laanu,ne guꞌyadxichi laanu.
2 Tí ganna guiráꞌ ca guidxi roꞌ ni nuu ndaaniꞌ guidxilayú
xi racaláꞌdxibe ne xinga guendarulá xtibe.
3 Ay Diuxi,
gusisaca ca guidxi lii;
¡guiráꞌ xixé ca guidxi gusisácacaꞌ lii!
4 Guiráꞌ ca guidxi roꞌ gucaacaꞌ ridxi nayecheꞌ,
tí lii nacuꞌ xaique ni runi jneza ndaaniꞌ ca guidxi ca;
¡lii nga zaniruluꞌ lú guiráꞌ ca guidxi roꞌ xtiꞌ guidxilayú!
5 Ay Diuxi,
gusisaca ca guidxi lii;
¡guiráꞌ xixé ca guidxi gusisácacaꞌ lii!
6 Guidxilayú maꞌ bidii laanu xcuananaxhi;
¡Diuxi xtinu maꞌ guluu ndaayaꞌ laanu!
7 ¡Diuxi cuꞌ ndaayaꞌ laanu!
¡Guidubi naca guidxilayú diꞌ gusisaca laabe!