Ricá luáꞌ Diuxi ne rusisacaꞌ xtiidxaꞌ
Ni gudixhe xaique xtiꞌ ca binni ruundaꞌ, sica rixidxi saa xtiꞌ «La paloma de los dioses lejanos». Diidxaguieꞌ bicaa David dxi ca filisteo gunaazeꞌ laabe ndaaniꞌ guidxi Gat.
56
Bilaselaꞌdxiꞌ naa, Diuxi ni bizáꞌ naa,nuu binni ladxi naa;
gatigá cucaalúcabe ne cuxhatañeecabe naa.
2 Gatigá ladxi ca ni nanalaꞌdxiꞌ naa;
stalecabe rucaalúcabe naa ne guendanayáꞌ laꞌdxiꞌ xtícabe.
3 Lii nga ricá luáꞌ,
ora naa maꞌ cadxibeꞌ.
4 Ricá luáꞌ Diuxi ne rusisacaꞌ xtiidxaꞌ;
ricá luáꞌ Diuxi ne qué ridxibediáꞌ.
Xi zanda guni binni naa yaꞌ.
5 Gatigá rulaacabe diidxaꞌ naa;
ne nisi cá íquecabe guninácabe naa.
6 Cheríꞌ chericaꞌ canagucachilucabe,
ne nándacabe naa,
cabézacabe guiabaꞌ lu nácabe ti guuticabe naa.
7 Ñee nácabe zuxhooñelucabe lu guendanadxabaꞌ xtícabe la?
Ay, Diuxi, ne xiana xtiluꞌ gudiñeyú ca guidxi ca.
8 Lii rugabaluꞌ ca dxi huacacheluáꞌ;
lii rutopaluꞌ nisa ni riete luáꞌ.
Ñee cadi nucaaluꞌ ni lu xquíꞌchiluꞌ la?
9 Zuxooñeꞌ ca ni nanalaꞌdxiꞌ naa;
dxi gucaaꞌ ridxi lii gacaneluꞌ naa la?
naa nannadxiꞌcheꞌ piaꞌ Diuxi nuuné naa.
10 Rusisaca xtiidxaꞌ Diuxi ti ricá luáꞌ laa,
rusisaca xtiidxaꞌ Tata Diuxi ti ricá luáꞌ laa;
11 ricá luáꞌ Diuxi ne qué ridxibediáꞌ.
Xi zanda guni binni naa yaꞌ.
12 Ay Diuxi, diidxaꞌ ni bidieeꞌ lii que la?
zaguixeꞌ ni lii ne diidxaꞌ ni gusisaca lii,
13 tí bilaluꞌ naa lu guendaguti,
tí bilaluꞌ naa ra ñabaꞌ,
tí ganda sayaꞌ lu biaaniꞌ xti guendanabani,
neza lú Diuxi.