Abatiꞌ riquiiñeꞌ Guendaruchá bi yanni xtiꞌ binni nadxabaꞌ
Ni gudixhe xaique xtiꞌ ca binni ruundaꞌ. Ni gudixhe David gacaꞌ, dxi Doeg, edomita que, yetidxi Saúl biiyabe David guyuu ra lidxi Ahimélec.
52
Xiñee cuchaluꞌ naróꞌ de guendanadxabaꞌ ni ruꞌnuꞌ pué, tisi napuꞌ bidxichi.¡Guendaranaxhii xtiꞌ Diuxi qué riluxe!
2 Nisi guendanadxabaꞌ cá íqueluꞌ guꞌnuꞌ;
lúdxiluꞌ ro laꞌnaꞌ, laani zeeda gácani casi ti gudxíu naduxhuꞌ.
3 Jma naquiiluꞌ ni nadxabaꞌ que ni jneza,
jma naquiiluꞌ guendarusiguii que ni huandíꞌ.
4 Ruaaluꞌ riguíteni binni,
jma riuulaꞌdxuꞌ diidxaꞌ ni runiná;
5 peru Diuxi laaca zunidé lii;
zuruuxhabe nouꞌ zabeebe lii ndaaniꞌ lídxiluꞌ;
zuutibe lii.
6 Ca ni ruzuubaꞌ xtiidxaꞌ Diuxi la? dxi gúꞌyacaꞌ ndiꞌ la? zadxíbicaꞌ;
ne zuxídxicabe laabe, zaníꞌcabe:
7 «Laguuyaꞌ, njáꞌa laa dxa ni qué nuyubi nulá Diuxi laa,
dxa ni gucualú nulá ca xpidxichi laa,
ne qué nusaana de ñuni guendanadxabaꞌ.»
8 Huaxa naa zeeda gacaꞌ casi ti yaga olivo nagáꞌ
ndaaniꞌ lidxi Diuxi;
¡dxi gueelaꞌ zucaaꞌ ruaaꞌ lu guendaranaxhii xtiꞌ Diuxi!
9 Ay Diuxi, qué zianadxiéꞌ de gudieeꞌ xquixe lii, saca guiráꞌ ni huayuꞌnuꞌ;
cabezaꞌ lii neza lú ca binni nadxii lii,
purtiꞌ nacháꞌhuiluꞌ.