Diuxi nga Xaique xtiꞌ guidubi guidxilayú
Ni gudixhe xaique xtiꞌ ca binni ruundaꞌ. Guendaruundaꞌ diidxaguieꞌ ni bicaa ca xiiñiꞌ Coré.
47
¡Guiráꞌ xixé guidxi, lacapanáꞌ!¡Lauguáꞌ ridxi Diuxi ne guendanayecheꞌ!
2 Ti Tata Diuxi, ni nandxóꞌ daandaꞌ, naduxhuꞌ;
laabe nácabe Xaique xtiꞌ guidubi guidxilayú.
3 Binidebe ca guidxi ne ca guidxi roꞌ
ne guláꞌquibe laacaꞌ xañeenu.
4 Gulibe ni guicaanu,
ni bichá tipa ladxidóꞌ Jacob, ni gunaxhiibe.
5 ¡Tata Diuxi maꞌ gudxiꞌbaꞌ lu daa bicuugua xtiꞌ
lade ridxi nayecheꞌ ne ridxi saa!
6 ¡Laguundaꞌ, laguundaꞌ ca diidxaꞌ saa xtiꞌ Diuxi!
¡Laguundaꞌ, laguundaꞌ ca diidxaꞌ saa xtiꞌ Xaique roꞌ xtinu!
7 ¡Laguundaꞌ ti diidxaguieꞌ xtiꞌ Diuxi,
tí laabe nácabe Xaique xtiꞌ guidubi guidxilayú!
8 ¡Diuxi naca Xaique roꞌ xtiꞌ ca guidxi!
¡Diuxi maꞌ zuba lu daa bicuugu xtiꞌ!
9 Guiráꞌ binni risaca xtiꞌ ca guidxi roꞌ
ridaagunecaꞌ ca guidxi xtiꞌ Diuxi, Diuxi xtiꞌ Abraham,
10 ti Diuxi naca xpixuaanaꞌ guiráꞌ stipa nuu guidxilayú.
¡Laabe dxíꞌbabe luguiáꞌ guirani!