43
Ay Diuxi, bixhubadonda naa;¡bizuaa lu xtiidxaꞌ neza lú ca binni nadaꞌguꞌ diꞌ!
¡Bilá naa lu náꞌ binni rusiguii ne binni nadxabaꞌ,
2 tí lii nga Diuxi xtinneꞌ ni rapa naa!
Xiñee guleechuluꞌ naa cueꞌluꞌ.
Xiñee ndiꞌ chuaaꞌ naguunduꞌ
ne guxhii ca ni nanalaꞌdxiꞌ naa ca naa.
3 Biseendaꞌ biaaniꞌ ne diidxaꞌ huandíꞌ xtiuꞌ,
tí guluíꞌcani naa neza
ni riné ra nuu dani nandaayaꞌ xtiuꞌ,
ra nabániluꞌ.
4 Ay Diuxi, ti zacá zindayaꞌ ruaa mexaꞌ
ndaayaꞌ xtiluꞌ,
ne raqué zusisaca lii ne saa xtiꞌ arpa,
tí lii nga ruchaluꞌ ladxiduáꞌ de guendanayecheꞌ.
5 Xiñee guixhacaladxeꞌ.
Xiñee chuaaꞌ xizaa.
Pa Diuxi nga ca luáꞌ,
ni gusisacaruáꞌ.
¡Laabe nga Diuxi xtinneꞌ, ni rulá naa!