Guendaruunda xquendanachaꞌhuiꞌ Diuxi
Guendaruundaꞌ diidxaguieꞌ bicaa David, dxi bixeleꞌ neza lú Abimélec, ra biꞌniꞌ sica ni cuzulú cayé xpiaaniꞌ.
34
Zaguaaꞌ ndaayaꞌ Tata Diuxi guidubinaca xigabaꞌ dxi;guidiruaaꞌ qué ziuu dxí gusaanaꞌ gusisaca laabe.
2 Dede ridxá tipaꞌ ruaaꞌ rusisacaꞌ Tata Diuxi;
¡lagucaadiaga ni ne laguiecheꞌ, binni nadoꞌcaꞌ!
3 Guidáꞌgunu ne gácanu tobi si ridxi,
gusisácanu lá nandxóꞌ xtiꞌ Tata Diuxi.
4 Bicaaꞌ ridxi Tata Diuxi ne laa bicabi naa,
ne gúxhabe guiráꞌ ca dxiibi xtinneꞌ.
5 Ca ni ruuyaꞌ Tata Diuxi
ridxá tipa ladxidoꞌcaꞌ de guendanayecheꞌ,
ne qué ziuu dxi cuee chube laacaꞌ.
6 Chibaꞌ diꞌ, bicaa ridxi ne Tata Diuxi bicaadiaga laa,
ne bilá laabe lu guiráꞌ xizaa nápabe.
7 Xiiñiꞌ guibáꞌ xtiꞌ Tata Diuxi rapa ne rulá
ca ni rusisaca Tata Diuxi.
8 Laguidxiña, gúꞌyatu, pabiáꞌ nga nachaꞌhuiꞌ Tata Diuxi.
¡Aque nayecheꞌ nga ribani ca binni, ni ricá ruaa lu xtiidxabe!
9 Guiráꞌ binni ni maꞌ gulí Tata Diuxi, lagusisaca laabe,
tí qué guiaadxaꞌ laatu gastiꞌ.
10 Ca binni napa rirá xpidxíchicaꞌ ne ratizicaꞌ,
ne ca ni ruyubi Tata Diuxi la? qué riaadxaꞌ laacaꞌ gastiꞌ.
11 Xiiñecaꞌ, lataꞌ ne lagucaa diaga naa;
chi gusiideꞌ laatu ganaxhiitu Tata Diuxi.
12 Racalaꞌdxuꞌ guibanuꞌ xadxi la?
Racalaꞌdxuꞌ guiecheneluꞌ guendanabani diꞌ la?
13 Bicueeza ruaaluꞌ cadi guiníꞌ dxábaluꞌ,
ne qué chuꞌ dxi gusiguiiluꞌ.
14 Bixaleꞌ lú guendanadxabaꞌ ne biꞌniꞌ jneza;
biyubi dxidóꞌ ne guzananda ni.
15 Tata Diuxi rapa ca binni nachaꞌhuiꞌ,
ne rucaadiaga xtídxicabe.
16 Tata Diuxi qué racalaꞌdxiꞌ diꞌ binni qué guiquiiñeꞌ,
ne ruxhabe xpandacaꞌ ndaaniꞌ guidxilayú.
17 Tata Diuxi la? rucaadiagabe ca binni nayá ladxidóꞌ,
ne rulabe laaca lu guiráꞌ xizaa xticaꞌ.
18 Tata Diuxi nuu gaxha, ne rulabe ca ni maꞌ gucadé ladxidóꞌ
ni maꞌ biniti stipa.
19 Binni nachaꞌhuiꞌ ridiꞌdiꞌ lu stale guendanagana,
xisi la? Tata Diuxi rulá laacabe.
20 Laabe rápabe dxitaládicaꞌ;
ti guirutiꞌ cúzacani.
21 Ca binni nadxabaꞌ la? laca xquendanadxabacaꞌ ruuti laacaꞌ;
ca ni nanalaꞌdxiꞌ binni nachaꞌhuiꞌ la? zaguíxecaꞌ ni.
22 Huaxa Tata Diuxi rulá xquendanabani ca binni ni ruzuubaꞌ xtiidxaꞌ;
¡ne guirutiꞌ zusabanáꞌ laaca!