Guendaricá lú xtiidxaꞌ Tata Diuxi
Ni gudixhe xaique xtiꞌ ca binni ruundaꞌ. Guendaruundaꞌ diidxaguieꞌ bicaa David.
31
Tata Diuxi, lii nga ruyuubeꞌ gulaluꞌ naa;¡ne qué chuꞌ dxi cuee chuluꞌ naa cueꞌluꞌ!
¡Bilá naa, tí lii nga ruꞌnuꞌ jneza!
2 Bicaadiaga laꞌ naa;
¡ne guiubagasi bilá naa!
Lii zeda gacuꞌ casi guie roꞌ ni rapa naa,
¡ne casi ti yoo roꞌ ra gucacheluáꞌ ti guilaꞌyaꞌ!
3 ¡Lii nácaluꞌ ti guie roꞌ xtinneꞌ!
¡Guzá niru luáꞌ ne gupa naa;
bisisaca láluꞌ!
4 ¡Gulee naa lu xaléꞌ ni naguucabe naa
huaxa lii nga rulaluꞌ naa!
5 Tata Diuxi, lu naluꞌ nga bisaanaꞌ xquendaꞌ;
¡bilá naa, Diuxi, ni riníꞌ ni dxandíꞌ!
6 Nanaladxeꞌ ca binni ni nadxii bidóꞌ.
Tí maꞌ gucuaaꞌ xtiidxaꞌ Tata Diuxi.
7 Ca guendaranaxhii xtiluꞌ la? rudiini naa stale guendanayecheꞌ.
Maꞌ biiyaluꞌ ca guendananá xtinneꞌ,
ne maꞌ runibiaꞌluꞌ ca xizaa xtinneꞌ;
8 qué nusaanuꞌ naa lu náꞌ ca ni nanalaꞌdxiꞌ naa;
¡ne bizuhuaa dxiichiluꞌ naa tí cadi guiabaꞌ!
9 Biáꞌ naa Tata Diuxi,
tí nuaaꞌ lu guendanaxoo.
Yuubaꞌ ca rusichuunduni luaꞌ,
ladeꞌ ne guidubi naca.
10 ¡Guendananá ne guendaruunaꞌ
cunduuxecani guendanabani xtinneꞌ!
Guendanaguunduꞌ cunduuxe stipa xtinneꞌ;
¡maꞌ nayati nuu ladeꞌ!
11 Ca ni nanalaꞌdxiꞌ naa la? ruxídxicaꞌ naa,
ca ni nabeza cueꞌ lidxeꞌ rulaacaꞌ diidxaꞌ naa,
ca ni runibiáꞌ naa la? ridxíbicaꞌ naa.
¡Ora guꞌyaꞌcaꞌ naa ndaaniꞌ neza, ruxooñelucaꞌ!
12 Ma bisiaandacaꞌ naa,
casi tobi ni maꞌ guti.
Nacaꞌ casi ti guisu laa.
13 Runadiagaꞌ guiráꞌ ni caníꞌcabe naa:
«Nabé stale dxiibi nuu lu guiráꞌ neza.»
Casi ti miatiꞌ si, riásacabe luguiaꞌyaꞌ;
¡riníꞌ xtiidxacabe guuticabe naa!
14 Tata Diuxi, naa maꞌ gucuaaꞌ xtiidxaluꞌ;
ne naa maꞌ guniéꞌ:
«¡Lii nga Diuxi xtinneꞌ!»
15 Guendanabani xtinneꞌ la? lu naluꞌ nga nuuni;
¡bilá naa de lu náꞌ ca ni nanalaꞌdxiꞌ naa,
ca ni canazananda naa!
16 Biiyaꞌ naa ne guendanachaꞌhuiꞌ,
naa cayuneꞌ xhiiñaluꞌ,
bilá naa ne guendaranaxhii xtiuꞌ.
17 Lii nga rucaaꞌ ridxi Tata Diuxi;
¡cadi gusutuidiouꞌ luaꞌ!
¡Bisutuí lu ca ni nadxabaꞌ ca;
bindiziꞌ laacabe lu dxidóꞌ xtiꞌ baꞌ!
18 Bitaaguꞌ ruaa ca ni rusiguii;
ca ni ruchelaniꞌdiꞌ,
ne runiná ladxidóꞌ binni nachaꞌhuiꞌ.
19 ¡Aque nandxóꞌ nga guendanachaꞌhuiꞌ xtiluꞌ ne ca binni ni rusisaca lii!
Rápaluꞌ ni casi ñácani xiixa risaca
ne neza lú binni,
riguiiziluꞌ ni lu ca ni rucaa ruaaꞌ lii.
20 Rucaachiluꞌ laacabe ndaaniꞌ nouꞌ,
ne rulaluꞌ laacabe lu náꞌ ca ni caníꞌ ique guniná laacabe;
ne rápaluꞌ laacabe ndaaniꞌ lídxiluꞌ
tí cadi chuꞌ tu gulaa diidxaꞌ laacabe.
21 Lagusisaca Tata Diuxi,
tí biluiꞌbe naa xquendaranaxhiibe
dxi guyuaaꞌ xizaa.
22 Lu guendaracaluguꞌ xtinneꞌguníꞌ iqueꞌ,
maꞌ guleeluꞌ naa de ndaaniꞌ ladxidoꞌloꞌ;
huaxa dxi gunabaꞌ lii gacaneluꞌ naa,
bicaadiagaluꞌ ca ridxi xtinneꞌ.
23 Laganaxhii Tata Diuxi, guiráꞌ binni ganaxhii laabe.
Laabe rápabe ca ni riníꞌ ni huandíꞌ,
ne ca ni ruchá guendanaróꞌ xtiꞌ la?
riguiñeyube laaca.
24 Guiráꞌ ca ni ricaa xtiidxaꞌ Tata Diuxi,
lagusiecheꞌ ladxidoꞌto.