Ti guendanabani nayá
Guendaruundaꞌ diidxaguieꞌ bicaa David.
26
Tata Diuxi, gucané naa,Guendanabani xtinneꞌ qui gapa ra guidiiñeyú.
Tata Diuxi, lii nga ricá luáꞌ;
2 gudaañe, ¡ne gulee diidxaꞌ naa!,
¡guluubiáꞌ ca diidxaꞌ ni nuu lu xquendabiaaneꞌ
ne ca ni nuu ndaaniꞌ ladxiduáꞌ!
3 Qué huayuu dxi gucheeniáꞌ lii
zuhuaa xquendaranaxhiiluꞌ luaꞌ;
4 qué huayuu dxi guidxaagaꞌ ca ni rusiguii
ne ca ni riníꞌ binni.
5 Nanaladxeꞌ chuaaꞌ lade binni nadxabaꞌ;
¡ne qué ñuu dxi nidaaguaꞌ binni qué guiquiiñeꞌ!
6 Tata Diuxi, yanna huaxa ma nayá nayaꞌ ne maꞌ bixá ca xtondaꞌ,
rabeꞌ ma zanda guidxiñaꞌ ruaa mexaꞌ nandxóꞌ xtiluꞌ,
7 tí ganda guundaꞌ ca saa nayecheꞌ xtiluꞌ,
ne güeꞌ guiráꞌ guendaridxagayaa xtiuꞌ.
8 Tata Diuxi, nadxieeꞌ yuꞌduꞌ ra nabezuꞌ,
ndaanini nga nuu stale guendanandxóꞌ xtiuꞌ.
9 Qué chi guutuꞌ naa casi rati ca binni bichee ne lii;
ne cadi gudxiibaluꞌ donda iqueꞌ,
10 ca ni rugadxe binni náꞌ,
ca ni nadxabaꞌ náꞌ.
11 Guendanabani xtinneꞌ qui gapa ra guidiiñeyú;
¡biaꞌ naa, ne bilá naa!
12 Zuhuaaꞌ dxiicheꞌ lu guidxilayú;
¡ne zuguaaꞌ ndaayaꞌ Tata Diuxi neza lú xquidxi!