Ra canaba David guluíꞌ Diuxi laa ti neza, gúxhabe xtonda ne gápabe laa
Ndaayaꞌ ra canabaꞌ David gusiene Tata Diuxi laa neza saꞌ.
25
Lii nga rinabaꞌ gacaneluꞌ naa Tata Diuxi;2 Diuxi lii nga ricá luáꞌ.
Biiyaꞌ naa cadi gusutuícabe luaꞌ.
¡Biiyaꞌ cadi guxidxi ca ni nanalaꞌdxiꞌ naa ca, naa!
3 ¡Qué chi gusutuícabe lu
ca binni ni ricá ruaa lii!
¡Ca ni rucaalú lii nga
bisituí lucaꞌ!
4 Tata Diuxi, biluíꞌ naa ca neza xtiuꞌ;
yené naa lu ca nezabéꞌ xtiuꞌ;
5 yené naa, guluu neza naa lu xtiidxaluꞌ,
lii nga Diuxi ni gulá naa.
¡Ne guidubi dxi nisi lii ricá ruaaꞌ!
6 Tata Diuxi, bietenalaꞌdxiꞌ guiráꞌ guendaranaxhii ne guendarilaselaꞌdxiꞌ
ni huayapaneuꞌ laadu,
7 bisiaandaꞌ huaxa ca xtondaꞌ
ne guendanadxabaꞌ ni bineꞌ dxi nahuiineꞌ.
Tata Diuxi, runi guendaranaxhii ne guendanachaꞌhuiꞌ xtiuꞌ,
bietenalaꞌdxiꞌ naa.
8 Tata Diuxi nachaꞌhuiꞌ ne runi jneza;
ne runichaahuiꞌ xquendabiaaniꞌ ca ni ruchee.
9 ne ruluiꞌbe ca binni nadóꞌ sáꞌ lu xnezabe;
¡ne rusiidibe laaca gúnicaꞌ ni jneza!
10 Nabé ranaxhiibe,
ca ni runi ni nabe
ne ca ni ruzuubaꞌ xtiidxabe.
11 Tata Diuxi, nabé naroꞌbaꞌ donda xtiꞌ ni bineꞌ;
bixháni, bisisaca láluꞌ.
12 Binni rusisaca Tata Diuxi la?
laabe ruluiꞌbe laa xi neza sáꞌ;
13 zabani nazaaca,
Ne zudiibe ca lisaa ti layú ndaaniꞌ guidxilayú.
14 Tata Diuxi la? runi xhamigube ca ni rusisaca laabe,
ne ruluiꞌbe laaca ni bidii xtiidxabe.
15 Nabé ruuyadxiéꞌ neza ra nuu Tata Diuxi,
tí laabe rulabe naa lu guiráꞌ guendanaxoo.
16 Biiyaꞌ naa, Tata Diuxi, biáꞌ naa,
stube nuaaꞌ ne nuaaꞌ xizaa.
17 Ridale xizaa ndaaniꞌ ladxiduáꞌ;
gulee naa lu xizaa diꞌ.
18 Biiyaꞌ pabiáꞌ naguunduꞌ nuaaꞌ,
biiyaꞌ ca guendanagana cadideꞌ,
ne bixhá ca xtondaꞌ.
19 Biiyaꞌ tu guiráꞌ nanalaꞌdxiꞌ naa
pa ñándasi ñuuticaꞌ naa.
20 ¡Gupa naa, ne bilá guendanabani xtinneꞌ!
¡Ne biiyaꞌ cadi guituí diꞌ luaꞌ,
tí ra nuuluꞌ nga rucacheluáꞌ!
21 Guendanachaꞌhuiꞌ xtinneꞌ ne guendanayá xtiꞌ ladxiduáꞌ nga gulá naa,
lii nga ca luaꞌ.
22 ¡Diuxi ni bizáꞌ naa,
bilá ca binni Israel lu guiráꞌ guendaxizaa xtiꞌ!