Tata Diuxi nga rapa naa
Guendaruundaꞌ diidxaguieꞌ bicaa David.
23
Tata Diuxi nga rapa naa,gastiꞌ qué ziaadxa naa.
2 Lu ti xilate ra nuu guixi nagáꞌ riguixhebe naa guiziiladxeꞌ,
ruaa ti nisa nexhedxi rápabe naa,
3 zandísabe ladxiduáꞌ,
zazá nírube luaꞌ lu ti neza chaꞌhuiꞌ,
runi xquendaranaxhiibe.
4 Neca tideꞌ lu gueelacahui xtiꞌ guendaguti,
gastiꞌ qué zuchibi naa,
tí lii Tata Diuxi nuuluꞌ cueeꞌ,
yaga ne dximbaa xtiluꞌ rudiicani stipa naa.
5 Neza lú ca ni nanalaꞌdxiꞌ naa
bizuhuaalu ti mexaꞌ ra nexheꞌ stale guendaró ti gahuaꞌ;
ne bichaluꞌ nisazá rindáꞌ naxhi ique,
ne bichatipaluꞌ xiga xtinneꞌ dede caxii.
6 Guendanachaꞌhuiꞌ ne guendaranaxhii xtiuꞌ
zabaninecaꞌ naa guiráꞌ dxi xtiꞌ xquendanabaneꞌ,
ne ra lídxiluꞌ, Tata Diuxi, zabezaꞌ xadxi.