Ridxi xizaa ne riuunda guendanayecheꞌ
Ni gudixhe xaique xtiꞌ ca binni ruundaꞌ, casi saa xtiꞌ «Bidxiña nagola huiiniꞌ ti siadóꞌ». Guendaruundaꞌ diidxaguieꞌ bicaa David.
22
Diuxi xtinneꞌ, Diuxi xtinneꞌ,xiñee bisaanuꞌ naa pue,
xiñee qué gueeduꞌ gulaluꞌ naa pue,
xiñee cadi culábiluꞌ ca yuubaꞌ xtinneꞌ pue.
2 Diuxi xtinneꞌ,
dxi ne gueelaꞌ cucaariꞌdxeꞌ lii, ne qué ricábiluꞌ naa;
¡qué ganda guiziiladxeꞌ!
3 Huaxa lii nabé nandxoꞌloꞌ;
nabé raca ni naluꞌ ne nabé rusisaca ca binni Israel lii.
4 Ca bixhozególadu gucuá ruaacaꞌ lii;
ne runi nga bilaluꞌ laaca;
5 gunábacabe gacaneluꞌ laacabe ne bixhádxeluꞌ laacabe ra cácabe yaga;
gucuá ruaacabe lii ne qué ñuu dxi nucheeneluꞌ laacabe.
6 Naa cadi nacaꞌ diaꞌ binni,
naa nacaꞌ ti bicutiꞌ;
¡nabé ruxídxicabe naa!
7 Ca ni guꞌyaꞌ naa la? maca cuxiidxi caꞌ;
ruxhunilucaꞌ luaꞌ ne maca cuniibi íquecaꞌ,
8 ne riniꞌcaꞌ:
«Ndiꞌ gucuá ruaa Tata Diuxi;
yanna la? gulá Tata Diuxi laabe
tí nabé gunaxiibe laa la? gulá laabe yanna.»
9 Ne sica riꞌ nga laani:
lii bisiroobaluꞌ ne guleeuꞌ naa ndaaniꞌ jñaaꞌ;
ne gudíxheluꞌ naa ladxidoꞌbe tí guiziiladxeꞌ.
10 Ante galeꞌ,
maca cayápaluꞌ naa;
nuaa ruaꞌ ndaaniꞌ jñaaꞌ,
maca Diuxi xtinneꞌ lii.
11 Qué chi guixaluꞌ de naa,
tí nabé nayati nuu ladxiduáꞌ,
ne qué gapaꞌ tu gacané naa.
12 Ca ni nanalaꞌdxiꞌ naa, casi ñacaꞌ yuze nuguucaꞌ leꞌ naa,
casi ca yuze duxhuꞌ ni nuu ndaaniꞌ Basán;
13 ne rigubeedxecaꞌ casi ca maniꞌ duxhuꞌ,
dede rieleꞌ ruaacaꞌ ne riaaxhacaꞌ luguiaꞌyaꞌ.
14 Nacaꞌ casi nisa caxii;
tí ca dxita lade ma bindaa.
Ladxiduáꞌ cayá stubi,
tí zeeda gácani casi cera.
15 Casi ti dexaa nuu ndaaniꞌ ruaaꞌ de nabidxi xhuxhu;
ne ludxeꞌ ma guiꞌdiꞌ ndaaniꞌ yanneꞌ.
¡Ne ma bizuhuaaluꞌ naa ndaaniꞌ yu dé xtiꞌ guendaguti!
16 Casi riguu biꞌcuꞌ leꞌ binni,
zacá naguu ca binni qué guiquiiñe ca leꞌ naa,
ma guxhacaꞌ guidi nayá ne guidi ñeeꞌ.
17 ¡Ma zanda ugaabaꞌ dxita lade!
Guiráꞌ ca ni nanalaꞌdxiꞌ naa, nisi cundaachiꞌ sicaꞌ naa;
18 ma gudiizicabe xhabaꞌ lúcabe,
ne caguitecabe tu laa guianané ni.
19 Tata Diuxi, lii nga stipa xtinneꞌ,
¡qué guixale diouꞌ!, ¡gudáꞌ gucané naa!
20 Gulee naa lu nácabe,
tí qué gate lu guiibaꞌ duxhuꞌ xtícabe,
biiyaꞌ qué guuti ca biꞌcuꞌ ca naa,
21 gulee naa ndaaniꞌ ruaa ca maniꞌ duxhuꞌ ca,
¡ne bilá naa de lu xcachuꞌ ca yuze ca!
22 Zuzeeteꞌ láluꞌ lade ca bicheꞌ,
ne zusisaca lii ládecabe.
23 Laatu, ca ni rusisaca Tata Diuxi,
¡laguni laabe nandxóꞌ!
¡Lagusisaca laabe, laatu guiráꞌ ca ni za de Jacob!
¡Lagusisaca laabe, laatu guiráꞌ ni za de Israel!
24 Tí laabe qué rudxii déchebe
ca binni nazíꞌ xquendanabani,
ne qué rucachilube de laaca.
¡Laabe rucaadiagabe laaca ora ma cucaaridxicaꞌ gacanebe laaca!
25 Ne neza lú guiráꞌ xixé binni xquídxiluꞌ
zaniéꞌ pabiáꞌ nandxoꞌloꞌ;
neza lú ca binni ni rusisaca lii,
zuneꞌ ni ma guniéꞌ.
26 Laatu guiráꞌ ni xiꞌ yannitu, lagó,
ne laguchá ndaanitu;
ca ni rucaa ridxi Tata Diuxi la? lagusisaca laabe,
tí guibanitu jma stale iza.
27 Guiráꞌ xixé binni ne guidxi roꞌ,
binni ni nuu guidubi guidxilayú,
laganna nuu Tata Diuxi, ne lataꞌ ra nuube;
¡ne laguzuxibi neza lube!
28 Tata Diuxi nga Xaique roꞌ,
tí lu nabé nga nuu guidxilayú.
29 Guiráꞌ xixé ni cadi cayaadxaꞌ laa gastiꞌ la?
lagusuxibi neza lube ne laasibe nga gusisácatu,
guiráꞌ ni guibiguetaꞌ gacaꞌ yu sti bieque
qué zanda diꞌ gusibánicaꞌ laaca laacaꞌ.
30 Ca xiiñeꞌ ne ca xhiagaꞌ, zusisácacaꞌ Tata Diuxi,
ne zuzeetecabe laabe guidubi lu xquendanabanicabe;
31 ca ni gale huidxe ga, zabicabe laacaꞌ
guiráꞌ ni jneza ne guendasicarú ni bíꞌnibe.