Ra canábacabe Diuxi gacané laacabe
Ni gudixhe xaique xtiꞌ ca binni ruundaꞌ. Guendaruundaꞌ diidxaguieꞌ bicaa David.
20
Tata Diuxi gucaadiaga liiora chuꞌluꞌ xizaa;
ne Diuxi xtiꞌ Jacob gulá lii.
2 Ne de ndaaniꞌ yoo nandxóꞌ xtiꞌ Sión
guseendabe tu gulá ne gacané lii.
3 Guedasilú laabe ca ni bisigáꞌdeluꞌ laabe,
ne stale guendanayecheꞌ nga guicaabe ca xindxaa xtiluꞌ.
4 Ne gúnibe guiráꞌ ni racaláꞌdxiluꞌ
ne ni ná íqueluꞌ guꞌnuꞌ.
5 Gúninu ti saa naroꞌbaꞌ xtiluꞌ
tí lii nga biasa ndiluꞌ dxi bidxelasaaluꞌ,
ne guindísanu larindxóꞌa xtinu,
ne gucaꞌnuꞌ ridxi lá Diuxi xtinu.
¡Tata Diuxi gudii lii guiráꞌ ni canabuꞌ laa!
6 Nanna dxíꞌchepiaꞌ Tata Diuxi nga
gudii stipa xaique roꞌ ni gulí;
ne de xaguibáꞌ nandxóꞌ xtibe nga gucabibe,
ne gudiibe stipa roꞌ tí qué chuꞌ dxi guniti.
7 Nuu tu zucaaluꞌ ne luunarutubib xtiꞌ,
ne ziuu xcaadxi zucaalú ne xmaniꞌ;
huaxa laadu, ne stipa xtiꞌ Tata Diuxi nga gudxíꞌludu.
8 Riguude ñeecaꞌ ne riábacaꞌ,
huaxa laadu, zuhuáꞌ dxiichiꞌrudu.
9 ¡Tata Diuxi, bidii stipa xaique roꞌ xtidu tí gusaba laacabe!
¡Bicabi laadu ra gucaꞌdu ridxi lii!